Qazaqstan dárigerleri tájiribe almasý úshin Qytaiǵa barady. Bul týraly QR DSM Qoǵamdyq densaýlyq saqtaý ulttyq ortalyǵy direktorynyń orynbasary Serjan Aidosov aitty, - dep habarlaidy "Ult aqparat".
«Densaýlyq saqtaý ministriniń QHR Elshisimen sońǵy kezdesýi barysynda Qytai Densaýlyq saqtaý ministriniń usynysymen Qazaqstan mamandaryn sol elde tájiribe almasýǵa jiberý máselesi kóterildi. Osy baǵytta baǵdarlama men baratyn mamandar tizbesin jasap jatyrmyz», - dedi Serjan Aidosov «Densaýlyq saqtaý ministrligi habarlaidy» baǵdarlamasy barysynda.
Onyń atap ótinshe, Qytaiǵa tájiribe almasýǵa baratyn meditsina mamandaryna jumsalatyn shyǵyndy elimizdiń Densaýlyq saqtaý ministrligi jáne jergilikti mekemeler tóleidi.
«Buǵan qosa, elimizdiń Syrtqy ister ministrliginiń de úlken kómegi bolady. Olar bizge qoldaý kórsetip otyr. Jalpy, mamandarymyzdyń qashan baratyny týraly naqty jospar joq. Biraq, 2-3 aptanyń ishinde anyqtalady. Olar Beijiń qalasyna barady dep josparlanǵan»,- dedi ol.
