Saltanat Rahimbekova Qazaqstan Azamattyq Aliansynyń Prezidenti bolyp sailandy. Bul týraly "Ult aqparat" QR Aqparat jáne qoǵamdyq damý ministrliginiń telegram kanalyna silteme jasap habarlaidy.
Epidemiologiialyq jaǵdaidy eskere otyryp, kezdesý onlain rejiminde ótti. Otyrystyń qorytyndysy boiynsha Saltanat Temirqulqyzy Rahimbekova Qazaqstan Azamattyq Aliansynyń Prezidenti etip sailaý týraly sheshim qabyldandy.
Saltanat Rahimbekova 1965 jyly 18 aqpanda dúniege kelgen. Jasyl ekonomika jáne ekologiia salasyndaǵy belgili qoǵam qairatkeri, birqatar úkimettik emes uiymdardyń - G-Global jasyl ekonomika jáne damý koalitsiiasy, «EXPO&Women» halyqaralyq uiymy, Qazaqstan áielderiniń agrarlyq odaǵynyń negizin qalaýshy jáne jetekshisi, ekonomika ǵylymdarynyń doktory, Qazaqstan Respýblikasy Prezidentiniń janyndaǵy Qazaqstannyń jasyl ekonomikaǵa ótýi jónindegi Keńestiń múshesi, Ekologiia, geologiia jáne tabiǵi resýrstar ministrliginiń Qoǵamdyq keńesiniń tóraǵasy.
«Qurmet» ordenimen, Qazaqstan Respýblikasy Prezidentiniń Qurmet gramotasymen jáne Qazaqstan Respýblikasynyń bes mereitoilyq medalimen marapattalǵan.
