Foto: pexels.com
Ǵylym jáne joǵary bilim ministriniń buiryǵymen Qazaqstan azamattyǵyn alý kezinde Qazaqstannyń memlekettik tilin, tarihyn jáne Konstitýtsiiasyn bilý kólemi bekitildi, dep habarlaidy nur.kz.
"Paragraf" aqparattyq júiesinde Qazaqstan Respýblikasy Ǵylym jáne joǵary bilim ministriniń "Qazaqstan Respýblikasynyń azamattyǵyna qabyldaý nemese azamattyǵyn qalpyna keltirý kezinde memlekettik tildi qarapaiym deńgeide, Qazaqstan Respýblikasy Konstitýtsiiasynyń negizderin, sondai-aq Qazaqstan tarihyn bilý kólemin bekitý týraly" 2024 jylǵy 8 qazandaǵy № 479 buiryǵy jariialandy.
"Qazaqstan Respýblikasynyń azamattyǵyna qabyldaý nemese Qazaqstan Respýblikasynyń azamattyǵyn qalpyna keltirý kezinde memlekettik tildi qarapaiym deńgeide bilý kólemi keminde 36 (otyz alty) bal, Qazaqstan Respýblikasy Konstitýtsiiasynyń negizderi keminde 9 (toǵyz) ball, sondai-aq Qazaqstan Respýblikasynyń tarihyn bilý kólemi keminde 15 (on bes) ball bolyp bekitilsin", - delingen qujat mátininde.
Buiryq 12 qazanda kúshine endi.
Eske salaiyq, osy jyldyń mamyrynda ǵylym jáne joǵary bilim ministri Úkimette ótken brifingte Qazaqstan azamattyǵyn alý jáne qalpyna keltirý úshin testileý qalai ótetinin aitqan bolatyn.
