Foto: Newtimes.kz
Syrtqy ister ministrligi Taiaý Shyǵystaǵy áskeri qaqtyǵystarǵa bailanysty azamattarǵa birqatar elge barýdan bas tartýdy usyndy. Bul usynys aimaqtaǵy jaǵdai tolyq turaqtanǵanǵa deiin kúshinde bolady, dep habarlaidy Ult.kz.
Ministrlik tizimine Bahrein, Mysyr, Izrail, Iemen, Iordaniia, Irak, Iran, Qatar, Saýd Arabiiasy, Kýveit, Livan, BAÁ, Oman jáne Siriia endi.
Sonymen qatar kóptegen eldiń áýe keńistigi jabylǵandyqtan, saparlardy shekteý qajettigi aityldy.
Qazaqstan azamattaryna óńirde júrgen jaǵdaida jeke qaýipsizdik sharalaryn kúsheitý, qaýipti aimaqtarǵa barmaý, jergilikti bilik nusqaýlaryn oryndaý, zymyran qaýpi týyndaǵanda baspanalarǵa nemese panalaý oryndaryna shuǵyl barý usynylady. Sondai-aq sheteldegi elshiliktermen, týroperatorlarmen jáne áýe tasymaldaýshylarmen turaqty bailanysta bolý mańyzdy.
