Foto: Tengrinews.kz
Syrtqy ister ministrliginiń habarlaýynsha, jaýapty organ quzyrly memlekettik organdarmen birlesip, Taiaý Shyǵystan azamattarymyzdy qaitarý jumystaryn jalǵastyryp jatyr, dep habarlaidy Ult.kz.
Evakýatsiia bastalǵaly beri rezident jáne rezident emes áýe kompaniialarynyń qoldaýymen 4700-den astam qazaqstandyq elge oralǵan.
«Áýe reisterimen qatar, azamattardy shyǵarý jerústi joldary arqyly da júzege asyrylýda. 6 naýryzda QR sheteldegi mekemeleri «Zarkýh» kompaniiasynyń 7 qyzmetkeri – QR azamattarynyń Iran-Armeniia shekarasyna shyǵýyn uiymdastyrdy. Aldyn ala aqparatqa sáikes, «Zarkýh» kompaniiasy qalǵan 16 qazaqstandyqty da osy baǵyt boiynsha evakýatsiialaýdy josparlap otyr. Jalpy Irannan búginge deiin 66 Qazaqstan azamaty elge qaitaryldy», - delingen habarlamada.
Sondai-aq ministrlik óńirdegi Qazaqstannyń diplomatiialyq ókildikteri jergilikti jerde is-qimyldardy úilestirý jumystaryn jalǵastyryp, otandastarymyzben turaqty bailanysta ekendigin jetkizgen.
