Elimizdiń barlyq óńirinde jańa Konstitýtsiia jobasyna qatysty aýqymdy aqparattyq naýqan bastaldy.
Jańa Konstitýtsiia jobasy men aldaǵy respýblikalyq referendýmǵa arnalǵan aqparattyq bannerler Qazaqstan aýmaǵyndaǵy negizgi qoǵamdyq kólik obektilerine ornalastyryldy.
Materialdar áýejailarda, temirjol vokzaldarynda, avtovokzaldarda, metro stantsiialarynda jáne iri qalalar men oblys ortalyqtaryndaǵy aialdama keshenderinde ornatyldy – búkil elimiz boiynsha 60 iri kólik haby qamtyldy.
Mańyzdy málimetter barlyq óńirde jolaýshylar aǵyny joǵary, eń kóp júrginshi júretin kólik toraptaryna ornalastyryldy. Bul aýditoriiany keńinen qamtyp, azamattardyń konstitýtsiialyq ózgeristerdiń máni men aldaǵy daýys berý rásimi týraly túsindirme aqparatqa qol jetkizýin qamtamasyz etýge múmkindik beredi.
Statikalyq konstrýktsiialar da, tsifrlyq formattar da: LED-ekrandar, laitbokstar jáne qoǵamdyq kólikter ishindegi monitorlar qoldanylýda.
Naýqandy uiymdastyrýshylardyń málimetinshe, aqparattyq materialdar elimizdiń barlyq oblystarynda jáne respýblikalyq mańyzy bar qalalarda ornalastyrylǵan.
Osy jumystyń arqasynda qazaqstandyqtar jańa Konstitýtsiiadaǵy negizgi ózgerister týraly aqparatty endi tek onlain formatta ǵana emes, iri kólik nysandarynda da yńǵaily ári qoljetimdi túrde ala alady.
