Foto: Pexels.com
Qazaqstan sheteldik IT mamandaryna jańa múmkindikter ashatyn «Digital Nomad Residency» pilottyq jobasyn usyndy. Baǵdarlamanyń maqsaty - álemdik IT talanttaryn elge jumys isteýge jáne turaqty turýǵa tartý, onyń qarqyndy damyp kele jatqan tsifrlyq ekonomikasynyń bir bóligi bolý, dep habarlaidy Ult.kz.
«Digital Nomad Residency» baǵdarlamasy IT salasynda jumys isteitin sheteldik mamandardy tartýǵa baǵyttalǵan. Ol Qazaqstanda turaqty turýǵa ruqsat alý múmkindigin jeńildetilgen túrde usynady.
Jeke sáikestendirý nómiri (JSN) jáne elektrondy tsifrlyq qoltańbasy (ETsQ) bolǵan jaǵdaida, sheteldik IT mamany suranysqa ie mamandyqtar tizimine sáikestigi úshin salalyq memlekettik organnyń ótinishin alý úshin Astana Hub portalyna ótinish beredi. Kandidat sheteldik pasport kóshirmesin, túiindemesin, portfoliosyn, motivatsiialyq hatyn, sottalmaǵany týraly kýáligin jáne 3,5*4,5 tústi fotosýretin usynady. Nátijesinde, kandidat Qazaqstannyń Tsifrlyq damý, innovatsiialar jáne aeroǵarysh ónerkásibi ministrliginen óziniń biliktiligin jáne IT mamany mártebesin rastaityn ótinish alady.Osydan keiin, sheteldik IT mamany turaqty turýǵa ruqsat alýdy aldyn ala maquldaý úshin eGov.kz portalynda qyzmetke ótinish berýi kerek.
Qyzmetti paidalaný úshin:
- - eGov.kz portalynda tirkelip, "Azamattarǵa" - "Azamattyq, kóshi-qon jáne immigratsiia" - "Sheteldikterge: QR-ǵa kirý jáne azamattyq" bólimine ótý qajet;
- - "Sheteldik IT mamandaryna Qazaqstan Respýblikasynda turaqty turýǵa ruqsat berý" qyzmetin tańdap, "Qyzmetke onlain tapsyrys berý" batyrmasyn basý kerek;
- - kóshi-qon politsiiasynyń basqarmasyn tańdaý kerek;
- - shetel pasportynyń kóshirmesin (ótinish bergen kezde pasporttyń jaramdylyq merzimi 180 kúntizbelik kúnnen artyq bolýy kerek), QR shetel ofisiniń konsýly kýálandyrǵan aýdarmasymen, 35x45 mm sandyq fotosýretti qosý kerek;
- - TsDIAÓM ótinishin qajet mamandyqtardyń tizimine sáikes keltirý kerek;
- - tiisti memlekettiń quzyretti organy bergen azamattyq jáne/nemese turaqty turǵylyqty memlekette sottalmaǵandyǵy týraly zańdastyrylǵan qujatty qosańyz jáne "Kelesi" batyrmasyn basý kerek;
- - qajetti jolaqtardy toltyrý kerek;
- - qyzmetti ETsQ arqyly qol qoiý kerek;
- - ótinim saýalnamasyn júktep, tanysý kerek;
- - aqparattyq júielerde zańmen qorǵalǵan qupiiany quraityn aqparatty paidalanýǵa kelisim berý kerek;
- - júktelgen jáne toltyrylǵan ótinim saýalnamasyn tirkeý kerek;
- - ótinimdi jiberý qajet;
- - qyzmet nátijesi paidalanýshynyń Jeke kabinetinde «Qyzmet tarihy» bóliminde qoljetimdi bolady.
Ótinimdi qaraý merzimi - 45 kúntizbelik kún. Sodan keiin mamandar Qazaqstanǵa kelip, Halyqqa qyzmet kórsetý ortalyǵynyń keńselerinde rásimdeýdi aiaqtai alady.
Qosymsha aqparatty Astana Hub resmi veb-saitynan tabýǵa bolady.
Joba QR TsDIAÓM Memlekettik kórsetiletin qyzmetter komitetiniń, QR TsDIAÓM Jasandy intellekt jáne innovatsiialardy damytý komitetiniń, "Ulttyq aqparattyq tehnologiialar" AQ, QR Syrtqy ister ministrligi, QR Ishki ister ministrliginiń Kóshi-qon qyzmeti komiteti, QR Ulttyq qaýipsizdik komiteti jáne "Innovatsiialyq tehnologiialar parki" avtonomiialyq klasterlik qorynyń birlesken jumysynyń arqasynda júzege asyryldy.
