Qazaqstan 1,2 mln PTR-testin satyp alady. Bul týraly QR Densaýlyq saqtaý ministriniń mindetin atqarýshy Lázzat Aqtaeva aitty, dep habarlaidy QazAqparat.
«Nur-Sultan men Almaty qalalarynda shamamen 200 myń PTR-testi bar. Qazirgi ýaqytta táýligine shamamen 28 myń test ótkizip jatyrmyz. Ony aldaǵy ýaqytta 30 myńǵa deiin jetkizetin bolamyz»,- dedi Lázzat Aqtaeva Ortalyq kommýnikatsiialar qyzmetindegi brifing barysynda.
Sonymen qatar, ol QR Premer-Ministri Asqar Maminniń tóraǵalyǵymen ótken vedomstvoaralyq komissiia otyrysynda ákimderge jergilikti meditsina uiymdarynda qosymsha PTR-zerthanalaryn ashý týraly tapsyrma berilgendigin atap ótti.
«Aldaǵy 10 kúnniń ishinde 1 mln 200 myń PTR-testi satyp alynady», - dedi ministrdiń mindetin atqarýshy.
