Ónerkásiptik qaýipsizdikti nyǵaitý strategiiasy aiasynda kenishtiń meditsinalyq pýnkti bazasynda «AMTJ» baǵdarlamalyq-apparattyq keshenin synaqtan ótkizý bastaldy. Joba aýysym aldyndaǵy tekserýdi tolyq avtomattandyrýǵa jáne jumysqa ruqsat berý kezinde adam faktoryna táýeldilikti joiýǵa baǵyttalǵan.
Qyzmetkerge aýysym aldynda jedel tekserýden ótýge múmkindik beretin intellektýaldy terminal avtomatty túrde qan qysymyn, tamyr soǵysy men dene temperatýrasyn ólshep, alkogolge test júrgizedi. Sonymen qatar jumyskerdiń shaǵymy men psihofiziologiialyq jaǵdaiy da taldanady.
Keshenniń negizgi qyzmetiniń biri – kóz qarashyǵynyń reaktsiiasyn baǵalaý. Bul sharshaý, kúizelis jáne tyiym salynǵan zattardy qoldaný belgilerin anyqtaýǵa múmkindik beredi. Nátijesinde qaýipsizdikke áser etýi múmkin jaǵdaidaǵy qyzmetkerdiń jumysqa jiberilý qaýpi tómendeidi.
Júieniń mańyzdy elementteriniń biri – derekti jinaqtaý jáne óńdeý qyzmeti. Barlyq tekserý nátijesi personaldyń densaýlyq jaǵdaiyn taldaý úshin qoldanylatyn biryńǵai tsifrlyq bazaǵa biriktiriledi. Bul sozylmaly aýytqýlardy anyqtaýǵa, kórsetkishterdiń dinamikasyn baqylaýǵa jáne yqtimal qaýip týraly jumysker men meditsinalyq personaldy der kezinde habardar etýge múmkindik beredi.
Júie tek baqylaýdy ǵana emes, profilaktikalyq qyzmetti de atqarady. Ol densaýlyqqa der kezinde nazar aýdarýǵa jáne aýrýlardyń damý qaýpin azaitýǵa kómektesedi.
«AMTJ» júiesin engizý adam faktorynan týyndaityn tótenshe oqiǵalar sanyn azaitýǵa, sondai-aq úderisti tsifrlandyrý arqyly meditsinalyq baqylaýdyń tiimdiligin arttyrýǵa baǵyttalǵan.
Tájiribelik-óndiristik synaq 2026 jylǵy mamyr aiynyń sońyna deiin jalǵasady.
«AMTJ» júiesin paidalaný – kásiporynnyń eńbekti qorǵaýdyń zamanaýi standartyn damytýǵa, aýrýdyń aldyn alýǵa jáne óndiristik jaraqattanýdy boldyrmaýǵa qosqan naqty úlesi bolyp sanalady.
