«Qazaqmys korporatsiiasy» JShS basshylyǵy Q.I. Satbaev atyndagy Jezqazgan tau-ken ondirisi «Jomart» jáne «Jylandy» kenishteriniń ujymymen jumys kezdesýin ótkizdi. Kezdesýde ónerkásiptik qaýipsizdik, jańǵyrtý jáne investitsiialyq baǵdarlamany júzege asyrý máseleleri negizgi taqyryp retinde talqylanyp, eńbekti qorǵaý máselesine erekshe nazar aýdaryldy. Bul týraly «Qazaqmys» korporatsiiasynyń baspasóz qyzmeti habarlaidy.
Jumyskerlerge ónerkásiptik qaýipsizdik pen eńbekti qorǵaý talaptaryn saqtaý eńbek ótiline qaramastan barlyq qyzmetkerler úshin mindetti ekeni eskertildi. ÓQjEQ normalaryn saqtaý adam ómiri men densaýlyǵyn qorǵaýdyń negizgi sharty dep kórsetildi.
Kompaniia ózine alǵan áleýmettik mindettemelerdi oryndap, investitsiialyq baǵdarlamalardy iske asyryp jatyr. Qarajat geologiialyq barlaýǵa, taý-ken shahtalyq tehnika parkin jańartýǵa jáne jańa nysandar salýǵa baǵyttalýda. Bul «Jomart» kenishiniń jumysyn turaqtandyrýǵa jáne «Jylandy» kenishiniń óndiristik qýatyn arttyrýǵa múmkindik beredi.
«Jylandy» kenishi aýmaǵyndaǵy «Batys Saryoba» shahtasynda kúrdeli taý-ken jumysyn júrgizý josparlanǵan. Jeldetýdi qamtamasyz etý úshin shahta oqpandaryn jabdyqtaý, konveierlik jeli salý jáne jerústi infraqurylymyn damytý kózdelgen. 2029 jylǵa deiin kenishtiń óndiristik qýatyn jylyna 3 mln tonnadan 5,4 mln tonna ken óndirýge deiin kezeń-kezeńimen arttyrý josparlanýda.
«Jomart» kenishinde úshinshi jeldetý oqpanynyń qurylysy bastaldy. Nysandy paidalanýǵa berý 2027 jyldyń birinshi toqsanyna josparlanǵan. Sondai-aq ken ornynyń batys jáne shyǵys qaptaldarynda geologiialyq barlaý jumysyn júrgizý kózdelip otyr.
2026 jyly Jezqazǵan óńirinde ken qoryn naqtylaý jáne ony arttyrý maqsatynda 73 645 qýma metr aýmaqqa geologiialyq barlaý jumysyn júrgiziledi. Kútiletin ósim 5,38 mln tonna kendi quraidy.
Kezdesý barysynda jumyskerler qosalqy bólshektermen jáne rezervtik tehnikamen qamtamasyz etý, qosalqy bólshekterdiń sapasy jáne jóndeý jumysyn uiymdastyrý máselelerin kóterdi. «Jomart» jáne «Jylandy» kenishterinde jóndeý brigadalaryn kúsheitý basym baǵyt retinde aiqyndaldy. Qosalqy bólshekterdiń sapasy turaqty baqylaýǵa alyndy.
Sonymen qatar jerasty avtobýstaryn tiimdi paidalaný jáne ózdiginen júretin tehnikaǵa uqypty qaraý máseleleri talqylandy. «Jomart» kenishiniń jataqhanasyndaǵy oryn tapshylyǵy máselesi jeke qaraldy.
