Qazaqmys ózine qatysy bar óńirlerde áleýmettik bastamalardy júzege asyrýdy jalǵastyrýda. Shý aýdanyndaǵy Kókqainar, Shoqpar, Birlik, Birlikústem jáne Qonaev aýyldarynda qaiyrymdylyq aktsiiasy ótti.
Áleýmettik turǵydan osal toptarǵa azyq-túlik sebeti tabystaldy. Osylaisha árbir eldi mekendegi 50 otbasyǵa kómek kórsetilip, jalpy aktsiia 250 otbasyny qamtydy.
Igi bastama mereke kúnderi ataýly áleýmettik kómek kórsetýge jáne áleýmettik jaýapkershilik pen ózara qoldaý qundylyqtaryn nyǵaitýǵa baǵyttaldy.
Aita ketý kerek, kompaniia áleýmettik infraqurylymdy damytýdy kózdeitin jobalardy da júzege asyrýda. Jambyl oblysynyń Shý qalasy men Birlik aýylynda zamanaýi, tez turǵyzylatyn modýldik sport zaldary paidalanýǵa berildi. Joba «Qazaqmys korporatsiiasy» JShS qoldaýymen, «Qazaqstan halqyna» qoǵamdyq qory jáne oblys ákimdigi arasyndaǵy áriptestik aiasynda júzege asyryldy.
Jalpy investitsiia kólemi 346 mln teńgeni qurady. Jańa nysandar jyl boiy paidalanýǵa arnalǵan jáne kún saiyn 100-ge jýyq adamǵa sporpen ainalysýǵa múmkindik beredi. Sport zaldary fýtbol, voleibol jáne basketbol siiaqty komandalyq sport túrlerimen ainalysýǵa laiyqtalyp jasalǵan. Munda balalar men jasóspirimder, onyń ishinde erekshe qajettiligi bar balalar úshin nysandardyń qoljetimdiligine erekshe kóńil bólingen.
2023 jyldan beri óńirdegi áleýmettik jobalardy qarjylandyrýdyń jalpy kólemi 1,7 mlrd teńgeni qurady. Iske asyrylǵan bastamalar qatarynda sport jáne balalar alańdaryn salý, eldi mekenderdi abattandyrý, sondai-aq áleýmettik osal sanattaǵy azamattardy qoldaý baǵytyndaǵy jobalar bar. Bul baǵyttaǵy jumys jalǵasýda.
