Foto: Instagram/kazakhmys_official
«Qazaqmys» korporatsiiasy ózi jumys isteitin barlyq óńirlerde densaýlyq saqtaý júiesin damytýǵa qoldaý kórsetýdi jalǵastyrýda. Bul baǵyttaǵy mańyzdy qadamdardyń biri — «Jezqazǵan meditsinalyq ortalyǵy» JShS bazasyndaǵy kardiohirýrgiialyq kómekti damytý.
2026 jylǵy 5–7 naýryz aralyǵynda meditsinalyq ortalyqta júrek-qantamyr júiesiniń aýyr diagnozdary bar patsientterge kezekti kardiohirýrgiialyq operatsiialar ótkizildi. Operatsiialar eldiń jetekshi mamandarynan quralǵan University Medical Center (UMC) komandasymen birlesip, Ulytaý oblysynyń Densaýlyq saqtaý basqarmasy men Áleýmettik meditsinalyq saqtandyrý qorynyń qoldaýymen júrgizilýde.
2026 jyly «Qazaqmys» korporatsiiasy kardiohirýrgiialyq qyzmetti damytýǵa jáne joǵary mamandandyrylǵan operatsiialardy júrgizýge qosymsha 447 mln teńge bóldi. Bul qarajat meditsinalyq ortalyqtyń múmkindikterin keńeitip, kúrdeli operatsiialardy patsientterdi respýblikalyq iri klinikalarǵa jibermei-aq jergilikti jerde jasaýǵa múmkindik berdi.
Búgingi tańda meditsinalyq ortalyqta 16 aortokoronarlyq shýnttaý (AKSh) operatsiiasy sátti oryndaldy. Ulytaý oblysynyń densaýlyq saqtaý júiesi úshin bul — júrek-qantamyr aýrýlary bar patsientterdi emdeýde jańa múmkindikter ashatyn mańyzdy qadam.
Atalǵan operatsiialardyń mindetti áleýmettik meditsinalyq saqtandyrý (MÁMS) júiesi aiasynda júrgiziletini de mańyzdy. Sonyń arqasynda óńir turǵyndary joǵary tehnologiialyq meditsinalyq kómekti tegin ala alady.
Kardiohirýrgiialyq qyzmetti damytý óńirdegi meditsinalyq kómektiń deńgeiin aitarlyqtai arttyrýǵa múmkindik beredi. Atap aitqanda, qan ainalymy júiesi aýrýlarynan bolatyn ólim-jitimdi azaitýǵa, patsientterdiń basqa óńirlerge shyǵý qajettiligin qysqartýǵa jáne Ulytaý oblysynyń turǵyndary úshin joǵary tehnologiialyq meditsinanyń qoljetimdiligin arttyrýǵa yqpal etedi.
Sonymen qatar, qýatty kardiohirýrgiialyq qyzmettiń qalyptasýy óńirdegi iri ónerkásiptik kásiporyndar qyzmetkerleriniń meditsinalyq qaýipsizdigin qamtamasyz etýde mańyzdy ról atqarady. Bul baǵyttyń damýy Áleýmettik meditsinalyq saqtandyrý qory arqyly meditsinalyq qyzmetterdi turaqty qarjylandyrýdy qalyptastyryp, Jezqazǵan meditsinalyq ortalyǵynyń oblystyq kardiologiialyq ortalyq retindegi mártebesin nyǵaitýǵa múmkindik beredi.
«Qazaqmys» korporatsiiasynda densaýlyq saqtaý salasyn qoldaý kompaniianyń áleýmettik jaýapkershiliginiń mańyzdy bóligi. Meditsinalyq infraqurylymǵa salynǵan investitsiialar óńir turǵyndary úshin meditsinalyq kómektiń sapasy men qoljetimdiligin arttyryp, jalpy oblystyń densaýlyq saqtaý júiesiniń damýyna yqpal etedi.
