Foto: t.me/kazakhmys_news
Ulytaý oblysynyń ákimdigi men «Qazaqmys korporatsiiasy» JShS ózara túsinistik jáne yntymaqtastyq týraly memorandýmǵa qol qoidy. Bekitilgen jobalar aiasynda 20 mlrd teńgeden astam somanyń bastamasyn júzege asyrý josparlandy.
Qujatqa Ulytaý oblysynyń ákimi Dastan Ryspekov pen «Qazaqmys korporatsiiasy» JShS Basqarma tóraǵasy Rýslan Óskenáli qol qoidy. Seriktestiktiń jańa kezeńi densaýlyq saqtaý, bilim berý, mádeniet, sport salalaryn, óńirdiń infraqurylymyn jańǵyrtýdy jáne óńir turǵyndarynyń ómir súrý sapasyn jaqsartýǵa jaily jaǵdai jasaýdy qamtidy.
Adam kapitalyn damytý strategiialyq baǵyttyń birine ainalady. Memorandým aiasynda Ulytaý ýniversiteti ashylady. Atalǵan joba suranysqa ie mamandardy daiarlaý men oblystyń jańa ziiatkerlik ortalyǵyn qalyptastyrýdyń irgetasy bolady.
Biyl Jezqazǵan qalasynda óńirdegi eń úlken ortalyq meshittiń qurylysy aiaqtalady. Sátbaev qalasynda jańa travmatologiialyq pýnkt ashylyp, óńirde balamasy joq «Namys» balalar men jasóspirimder sport akademiiasy iske qosylady. 150 oryndyq internaty bar sport kesheninde oblystyń túkpir-túkpirinen kelgen daryndy jas sportshylar jattyǵady.
Memorandým qalalyq ortany damytýǵa baǵyttalǵan jańa jobalardy iske qosýdy qamtidy. Jezqazǵanda «Jastar» saiabaǵy men «Ǵaryshkerler» baqjoly jáne Keńgir sý qoimasynyń jaǵalaýy abattandyrylyp, S. Qojamqulov atyndaǵy teatr kúrdeli jóndeýden ótedi. Nátijesinde zamanaýi qoǵamdyq keńistik qalyptasyp, qala turǵyndary men qonaqtary úshin jańa ári jaily demalys orny paida bolady.
«Ulytau» fýtbol klýbyn qarjylandyrý jalǵasa beredi. Bul bastama óńirdiń kásibi sporttaǵy ornyn nyǵaityp, jastarǵa múmkindik beredi.
Sonymen qatar jergilikti atqarýshy organdarǵa infraqurylymdyq jobalardy júzege asyrýǵa kómektesý úshin sý tartý, sýmen jáne energiiamen jabdyqtaý júielerin jańǵyrtý boiynsha birqatar jobalyq-smetalyq qujattama ázirlenedi.
Qazaqmys korporatsiiasy úshin Ulytaý oblysy strategiialyq mańyzy bar óńir bolyp qala beredi. Áleýmettik bastamalardy júzege asyrý oblystyń turaqty damýyna tyń serpin berip, infraqurylymdy nyǵaitýǵa jáne halyqtyń ómir súrý sapasy men jastardyń áleýetin arttyrýǵa yqpal etedi.
