Foto: "Qazaqmys" baspasóz qyzmetinen
JBF – óndiristik tizbektiń mańyzdy býyny. Ár aýysym saiyn fabrika tsehtarynda myńdaǵan tonna ken óńdelip, joǵary sapaly mys kontsentratyna ainalady. Dál osy jerde bolashaq metaldyń sapasy qalyptasady. Fabrikanyń jumysy joǵary kásibi biliktilikti jáne tehnologiialyq talaptardyń qatań saqtalýyn qajet etedi. Jabdyqtardyń turaqty jumys isteýi, óndiristik úderisterdiń dáldigi men eńbek tártibi túpkilikti nátijege tikelei áser etedi.
Fabrikanyń jumysy aiqyn qaǵidalar men jeke jaýapkershilikke negizdelgen. Ár jumysker óz telimin biledi. Árkim ózine júktelgen mindetti jaqsy túsinedi. Úderister júieli ári durys jolǵa qoiylǵan kezde, kásiporyn turaqty jumys isteidi.
Fabrika jumyskerleri dál osy qaǵidattardyń el úshin de asa mańyzdy ekenin aitady. Barshaǵa birdei ári túsinikti erejeler turaqtylyqtyń negizin qalaidy. Ár deńgeidegi jaýapkershilik júieni berik ári senimdi etedi. Ónerkásiptik kásiporyn úshin bul ustanymnyń mańyzy airyqsha. Turaqty quqyqtyq orta damýdy josparlaýǵa, óndiristi jańǵyrtýǵa jáne aldaǵy jyldarǵa batyl jospar qoiyp jumys isteýge múmkindik beredi.
«Biz kún saiyn tártip pen erejeni saqtaý ortaq nátijege qalai áser etetinin kórip júrmiz. Ereje barshaǵa birdei jumys istegen kezde, senim paida bolady», – deidi fabrika jumyskerleri.
Jańartylǵan Konstitýtsiianyń jobasyn qoldaý – ujymnyń sanaly ustanymy. Bul – turaqtylyq, tártip jáne damý jolyndaǵy tańdaý.
