Foto: t.me/kazakhmys_news
Jezqazǵanda kompaniia basshylyǵy men óńirdegi kásiporyndardyń jumyskerleri arasynda ótken kezdesýde ónerkásiptiń el damýyna qosatyn úlesi men jańa institýtsionaldyq ózgerister kezeńindegi Qazaqmystyń mindeti talqylandy.
Basqarma tóraǵasy Rýslan Óskenáli óz sózinde taý-ken metallýrgiia salasynyń Qazaqstan ekonomikasynan alatyn ornyn atap ótip, tártip pen jaýapkershilikten quralǵan júieli jumys kompaniianyń negizgi ustanymy ekenin jetkizdi. Sondai-aq ol munda árbir úderis muqiiat tekserilip, árbir talap qaýipsizdik pen sapa standartyna negizdeletinin aitty.
Kezdesýde Qazaqstan Respýblikasynyń jańa Konstitýtsiiasynyń jobasy jáne onyń el men óńirlerdiń turaqty damýyna tigizetin áseri talqylandy.
Rýslan Óskenáli «Qazaqmys» korporatsiiasy memlekettiń quqyqtyq negizin nyǵaitýǵa, basqarý qaǵidattarynyń ashyqtyǵyn arttyrýǵa, sondai-aq memleket, biznes jáne qoǵam arasyndaǵy ózara jaýapkershilik teńgerimin saqtaýǵa baǵyttalǵan konstitýtsiialyq reformany qoldaitynyn atap ótti.
«Biz óńirdegi eń iri ónerkásiptik kompaniia retinde turaqtylyqqa, retteýdiń aiqyndyǵyna jáne reformalardyń dáiektiligine múddelimiz. Biznes úshin aldyn ala boljam jasaýǵa bolatyn, zańǵa negizdelgen jáne barlyǵyna birdei jaǵdai jasalǵan orta mańyzdy. Al qyzmetkerlerge áleýmettik kepildikter, qaýipsizdik jáne erteńgi kúnge degen senim qajet», – dedi ol.
Onyń sózinshe, memlekettiń turaqtylyǵy túsinikti ári ornyqty erejelerge, uzaq merzimdi damý josparyna jáne óńirlerdi júieli qoldaýǵa negizdeledi. Osy oraida Rýslan Óskenáli Qazaqstan Respýblikasynyń Prezidenti Qasym-Jomart Toqaevtyń Úkimettiń keńeitilgen otyrysynda óńirlerge, onyń ishinde Ulytaý oblysyna erekshe qoldaý kórsetý qajettigi týraly sózin eske saldy. Praktikalyq turǵydan alǵanda bul «Qazaqmys» korporatsiiasynyń ózine qatysy bar óńirlerdi damytý, infraqurylym men bilimge investitsiia salý, sondai-aq turaqty jumys oryndaryn ashý jónindegi júieli jumysynyń jalǵasy bolmaq.
Basqarma tóraǵasy biznes pen qyzmetkerler úshin turaqty ári ashyq iskerlik ortanyń mańyzy erekshe ekenine toqtaldy.
Kompaniia Prezident kórsetken baǵytty qoldaitynyn jáne ózine qatysty kásiporyndardyń turaqty jumysyn qamtamasyz etý, óńirlerdi damytý sonda-aq el ekonomikasyn nyǵaitý mindetin tiisinshe oryndap jatqanyn málimdedi.
Kompaniia basshylyǵynyń ustanymyna óndirýshilerdiń aǵa býyn ókilderi de qoldaý bildirdi.
«Biz ómir boiy óndiriste júrdik. Sol tájiribeden túigen bir shyndyq bar: eldiń naǵyz tiregi – eńbek adamy. Zań aiqyn, tártip berik, jaýapkershilik ortaq bolsa ǵana óndiris te, memleket te alǵa basady. Búgin qabyldanatyn sheshim – erteńgi urpaqtyń ómirine áser etedi. Sondyqtan árqaisymyz el bolashaǵyna beijai qaramaýymyz kerek», – dedi «Qazaqmys korporatsiiasy» JShS Ardagerler keńesiniń tóraǵasy Tólegen Búkirov.
Ardager Negizgi zańnyń normalary eńbek adamynyń quqyǵyn qorǵaýda jáne turaqtylyq pen erteńgi kúnge degen senimdi qalyptastyrýda erekshe mańyzǵa ie ekenin atap ótti.
Sóz sońynda Basqarma tóraǵasy qyzmetkerlerge adal eńbegi jáne kompaniia men óńirdiń damýyna qosyp jatqan úlesi úshin alǵys aityp, bolashaqtyń berik bolýy tártipke, júieli jumysqa jáne memlekettik institýttarǵa degen senimge negizdeletinin aitty.
