Foto: «Qazaqmys»
Jezqazǵan jáne Sátbaev qalalarynda Naýryz meiramyna arnalǵan is-sharalar ótti. Bul merekelik sharalar qala turǵyndary men «Qazaqmys» kompaniialar tobynyń qyzmetkerlerin bir arnaǵa toǵystyrdy, dep habarlaidy Ult.kz.
Kompaniia tarapynan Jezqazǵan men Sátbaev qalalarynda mereke qarsańynda uiymdastyrylǵan etnoaýyl merekeniń basty alańyna ainaldy. Qala ortalyǵynda 11 kiiz úi tigilip, olardyń árqaisysy ulttyq mádeniettiń kórinisin, qonaqjailyq dástúrin jáne halyqtyń ózindik bolmysyn tanytty.
Merekelik baǵdarlama aiasynda ulttyq sport túrlerinen jarystar uiymdastyrylyp, oǵan kásiporyn qyzmetkerleri men qala turǵyndarynan quralǵan komandalar qatysty. Jalpy júlde qory 3 million teńgeni qurady. Bul oiyndar tek tartysty doda ǵana emes, birlik pen dástúrge qurmettiń, komandalyq rýhtyń aiqyn kórinisine ainaldy.
Is-sharanyń basty kezeńi «Qazaqmys» kompaniialar toby kásiporyndary arasynda ótken «Úzdik kiiz úi» baiqaýy boldy.
Baiqaý qorytyndysy boiynsha I oryndy Batys Jezqazǵan kenishiniń ujymy uiymdastyrǵan kiiz úi ielendi. II oryn – Mamandandyrylǵan jóndeý-mehanikalyq basqarmasyna buiyrdy. III oryn «Jomart» kenishiniń kiiz úiine berildi.
Sonymen qatar, arnaiy nominatsiialar boiynsha «Jylandy» kenishi, Kazakhmys Maintenance Services, Kazakhmys Barlau, Jezqazǵan tarihi-arheologiialyq mýzeii, Ońtústik Jezqazǵan kenishi, Shyǵys Jezqazǵan kenishi, Jezqazǵan mys balqytý zaýyty jáne Jezqazǵan baiytý fabrikasynyń kiiz úileri marapattaldy.
Jeńimpazdar men nominatsiia iegerlerine aqshalai sertifikattar tabystaldy.
