Qazaqmys kompaniialar Tobynda «Qazaqmys korporatsiiasy» JShS Basqarma tóraǵasy Rýslan Óskenáliniń tóraǵalyǵymen ónerkásiptik qaýipsizdik pen eńbekti qorǵaýdy transformatsiialaý máselesine arnalǵan strategiialyq sessiia ótti.
Basqarma tóraǵasy qatysýshylarǵa arnaǵan sózinde kompaniianyń qaýipsizdik salasyndaǵy negizgi basymdyqtaryn aiqyndap, jumyskerlerdiń ómiri men densaýlyǵyna qaýip tóngen jaǵdaida jumys isteýge jol berilmeitinin erekshe atap ótti.
«Ónerkásiptik qaýipsizdik – bizdiń birinshi kezektegi basymdyǵymyz, al ólimge ákeletin jazataiym oqiǵanyń aldyn alý – negizgi mindet. Qaýipsizdik talaptary buljytpai saqtalǵan jaǵdaida ǵana óndiristik jospar oryndalýy múmkin. Osy maqsatta biz basqarýshylyq tártipti kúsheitip, basqarýdyń biryńǵai júiesin qalyptastyryp jatyrmyz. Qaýipsizdik tehnikasy boiynsha ortalyq komitet qurylýda, jaýapkershilik barlyq deńgeide bekitiledi. Bizdiń mindet – qabyldanǵan sheshimderdiń kúndelikti jumysta oryndalýyn qamtamasyz etý. Jumyskerlerdiń ómiri men densaýlyǵyna qatysty máselede eshqandai ymyraǵa jol joq», – dep atap ótti «Qazaqmys korporatsiiasy» JShS Basqarma tóraǵasy Rýslan Óskenáli.
Talqylaýǵa Basqarma músheleri, óndiristik filialdardyń basshylary, tehnikalyq sarapshylar, sondai-aq halyqaralyq JMJ Associates kompaniiasynyń keńesshileri qatysty.
Strategiiany Eńbekti qorǵaý jónindegi basqarýshy direktor Janbek Esmahanovtyń jetekshiligimen eńbekti qorǵaý blogy ázirledi. Osy jumystyń aiasynda ÓQjEQ qoldanystaǵy júiesine keshendi baǵalaý júrgizildi. Ishki aýdit pen halyqaralyq sarapshylardyń qatysýymen ótkizilgen táýelsiz zertteý nátijesi negizinde transformatsiianyń basym baǵyttary aiqyndaldy. Strategiialyq sessiia atalǵan jumystyń qisyndy jalǵasy retinde kompaniia basshylyǵy deńgeiinde tásilderdi kelisýge arnalǵan alańǵa ainaldy.
Jumyskerlerdiń ómiri men densaýlyǵyna sózsiz basymdyq beriletin qaýipsizdikti basqarýdyń jańa modelin qalyptastyrý –strategiialyq sessiianyń negizgi taqyryby boldy. Bul qaǵidat kompaniianyń búkil óndiristik qyzmetiniń basty baǵdary retinde belgilendi.
Talqylaý qorytyndysy boiynsha 2026-2028 jyldarǵa arnalǵan ónerkásiptik qaýipsizdikti transformatsiialaý strategiiasy bekitildi. Qujat óndiristik táýekelderdiń sebebimen júieli jumys isteýdi jáne barlyq deńgeide qaýipsizdik mádenietin damytýdy kózdeidi.
Strategiia nóldik jaraqattaný qaǵidatyna negizdeledi jáne ózara bailanysty eki baǵytty qamtidy: táýekelderdi basqarý júiesin jetildirý jáne qaýipsizdik salasyndaǵy kóshbasshylyqty damytý.
Strategiiany iske asyrý barysynda kompaniiada Ónerkásiptik qaýipsizdik jáne eńbekti qorǵaý jónindegi ortalyq komitet qurylady. Ol basym baǵyttardy belgilep, olardyń oryndalýyn qadaǵalaidy. Komitet otyrysy turaqty túrde, toqsan saiyn kem degende bir ret ótkiziledi.
Sonymen qatar óndiristik aktivter deńgeiinde qaýipsizdik boiynsha ai saiyn komitet otyrysy tájiribesi engizilýde. Ol táýekelderdi jedel basqarýǵa jáne is-sharalardyń oryndalýyn qadaǵalaýǵa baǵyttalady.
Kompaniiada 2026 jyl Qaýipsizdik jyly bolyp jariialandy. Osy kezeńde basqarý júiesin retteýge, senimdi taldaýdy qalyptastyrýǵa jáne tiimdiliktiń ozyq kórsetkishterin engizýge erekshe nazar aýdarylady.
Strategiiany is júzinde júzege asyrý táýekelge baǵdarlanǵan tásilderdi damytýdy, asa qaýipti táýekelderdi baqylaýdyń biryńǵai standartyn engizýdi, barlyq deńgeidegi basshylardyń rólin kúsheitýdi, sondai-aq qaýipsizdik talaptaryn barlyq negizgi biznes-úderisterge, onyń ishinde merdiger uiymdarmen ózara is-qimylǵa integratsiialaýdy qamtidy.
Táýekelderdi azaitýdyń mańyzdy faktory retinde jabdyqty jańartýǵa jáne óndiristik aktivterdiń senimdiligin arttyrýǵa baǵyttalǵan investitsiiaǵa erekshe mán beriledi.
Asa qaýipti táýekelderdi baqylaý boiynsha is-sharalardy tolyq oryndaý basshylar úshin negizgi KPI bolady. Bul tásil oqys oqiǵalarǵa áreket etýden olardyń aldyn alýǵa kóshýge múmkindik beredi.
Strategiianyń uzaq merzimdi maqsaty – jaraqattaný deńgeiin kezeń-kezeńimen tómendetý jáne ólimmen aiaqtalatyn oqiǵalardyń múlde bolmaýyna qol jetkizý.
Strategiiany iske asyrý kompaniianyń kúndelikti qyzmetine integratsiialanǵan qaýipsizdikti basqarýdyń turaqty júiesin qalyptastyrýǵa baǵyttalǵan.
