Ulttyq qoǵamdyq senim keńesiniń saiasi reformalar jónindegi tobynyń múshesi Maskim Spotkai ózge elderdiń ulttyq jobalaryn qaitalamaý týraly aitty, dep habarlaidy QazAqparat.
«Ózge elderdiń ulttyq jobalaryn qaitalaýdan bas tartýymyz kerek. Elimizdiń erekshelikteri eskerilmei jasalǵan sheteldik tájiribeler árdaiym sátsiz bolady. Sondyqtan jobalar «jabyq esik» jaǵdaiynda daiyndalmaýy tiis. Qazaqta «kelisip pishken ton kelte bolmas» degen sóz bar. Sondyqtan mundai jumystarǵa táýelsiz sarapshylar, azamattyq qoǵam ókilderi, ásirese jastardyń aralasqany jón», - dedi Maskim Spotkai.
Ulttyq qoǵamdyq senim keńesi múshesiniń aitýynsha ulttyq jobalar ekonomika jáne infraqurylym boiynsha, sondai-aq qorshaǵan ortany qorǵaý, jastardy qoldaý, Rýhani jańǵyrý, ulttyq birlik, aǵartý salalaryn qamtýy tiis.
«Sonymen qatar Memleket basshysynyń «Qazaq tili – etnosaralyq qarym-qatynas tili» degen ideiasyn damytý úshin arnaiy joba ázirleý mańyzdy dep sanaimyz», - dedi ol.
