Qazaqstandyq horeograf túsirgen film bedeldi kinofestivalder irikteýine ótti, dep habarlaidy "Ult aqparat" 24.kz arnasyna silteme jasap.
«Kieli bi» ataýymen shyqqan eksperimentaldy art-kartina Niý-Iork qalasyndaǵy kóne Dance on Camera festivaline, sondai-aq Kann kinofestivaliniń baiqaýdan tys baǵdarlamasyna ótti.
Bul film Mańǵystaýda túsirilgen. «Kieli bidiń» tamasha peizajdarynyń bir óńirde ornalasqanyna sený qiyn. Kartina avtorlary – Frantsiiada turyp jatqan balerina jáne horeograf Dana Musa, sondai-aq halyqaralyq entýziastar komandasy. Kinoperformans olardyń jeke qarajatyna jasalyp, birinshi kórsetilimi Aqtaý qalasynda ótken.
Bastamashylardyń oiynsha, bul joba adamnyń tabiǵatpen jaqyndyǵy, áiel bastaýynyń mańyzy men kúshi, sondai-aq kóshpeli halyqtyń dene jáne rýhynyń erkindigi jaiynda eske salýy tiis.
Bul taqyrypta túsirilgen art-tájiribe álemdik deńgeidegi kinosarapshylar arasynda suranysqa ie.
«Barlyq jobalarym bir-birine uqsas – bul tabiǵatpen bailanys, áiel erkindigi, onyń óz denesimen úilesimdiligi. Sebebi onda meniń jeti arhetipim bar, onyń árqaisysynda men baiandaimyn, kórsetemin, bileimin. Bul men úshin óte mańyzdy. Áiel denesiniń ár bóligi, árbir santimetri – kieli, filmniń «Kieli bi» dep atalýy da sondyqtan», - dep atap ótti filmniń avtory.
