Reseilik qazaq faiter Damir Ysmaǵulov (19-1) pen qytailyq qandasymyz Sairan Nurdanbekuly (19-6) AQSh-taǵy UFC Vegas 27 týrniriniń aldynda salmaq ólsheý rásiminen ótti, - dep habarlaidy Vesti.kz saity.
Ysmaǵulovtyń salmaǵy - 70,53 keli, braziliialyq qarsylasy Rafael Alvestiń (19-9) salmaǵy 70,08 keli boldy.
Al Sairan pen onyń aýstraliialyq qarsylasy Djosh Kýlibaonyń (8-1-1) salmaǵy birdei - 66,22 keli.
Portal málimetinshe, qandas faiterler bir kardta óner kórsetedi.
Oǵan qosa, qazaq faiter Damir Ysmaǵulov pen braziliialyq Rafael Alves jekpe-jek aldyndaǵy kóz arbasý rásiminde bir-birimen qol alysqan joq.
Faiterler arasyndaǵy jaǵymsyz qarym-qatynas braziliialyq sportshy áleýmettik jelilerde eki adamnyń egeýquiryqty óltirip jatqan videosyn jariialaǵannan keiin paida boldy. Alves videoǵa Braziliia men Qazaqstan jalaýlaryn qosyp qoiǵan. Onyń bul áreketi Ysmaǵulovqa unamady.
UFC Vegas 27 týrniriniń basty jekpe-jegi jeńil salmaqtaǵy amerikalyq Rob Fant (18-4) pen Kodi Garbrandt (12-3) arasynda bolatyny habarlandy.
Jekpe-jekter jeksenbide, 23 mamyrǵa qaraǵan túni Las-Vegasta (Nevada, AQSh) ótedi.
