Qazaqstan aýyr atletikasy federatsiiasynyń qurmetti prezidenti, Semei qalasynyń burynǵy ákimi Qairat Turlyhanov dúnieden ozdy.
Qairat Turlyhanovtyń qazasy týraly Qazaqstan Respýblikasynyń Aýyr atletika federatsiiasynyń saity jariialandy.
Qairat Turlyhanov Shyǵys Qazaqstan oblysy Úrjar aýdany Taskesken aýylynda (burynǵy Semei oblysy Aiagóz aýdany Taskesken aýyly) dúniege kelgen. 1980 jyly SSSR IIM-niń Almatydaǵy mektebin bitirgen. 1980-1987 jyldar aralyǵynda ishki ister organynda qyzmet etken. 1993-2001 jyldar aralyǵynda «Philip Morris» qaýipsizdik firmasynyń bastyǵy, «Baqty» kedeniniń bastyǵy, Semeidegi Ertis ózeni arqyly ótetin kópik qurylysyn júrgizý boiynsha direktsiianyń bas direktory qyzmetin atqarǵan. 2001-2002 jyldary Semei qalasynyń ákimi bolǵan.
Ár jyldary ShQO Qorshaǵan ortany qorǵaý basqarmasynyń basshysy, QR Qaýipsizdik keńesi hatshysynyń keńesshisi, Kólik jáne kommýnikatsiia ministrliginiń kóliktik baqylaý komitetiniń tóraǵasy, QR Kólik jáne kommýnikatsiia ministriniń keńesshisi, «Kóliktik qyzmet ortalyǵy» AQ basshysy qyzmetin atqarǵan. «Vokzal-Servis» AQ prezidenti bolyp eńbek etken.
