Foto: © Sputnik / Sergei Kim
Belgili kásipker, Nazarbaevtyń burynǵy qudasy Qairat Boranbaevtyń jazasy jeńildetildi, dep habarlaidy "Ult aqparat".
Aqmola oblysynyń soty 6 jylǵa sottalǵan Qairat Boranbaevtyń ótinishin qanaǵattandyryp, jazasynyń ótelmegen bóligin bas bostandyǵyn shekteý túrine aýystyrdy.
Sot sheshimi boiynsha ol probatsiialyq baqylaýda bolady.
Úkimdi aýystyrý kezinde kelesi mán-jailar eskerilgen:
• sottalǵan adam jaza merziminiń 1/3 bóligin (2 jyl 4 ai 5 kún) ótedi;
• memleketke keltirilgen zalaldy tolyǵymen ótep, tergeý júrgizý kezinde belsendi járdemdesip, jasaǵan isine ókindi;
• qamaýda bolǵan kezeńde oń jaǵynan sipattaldy. Mekeme ákimshiligi onyń ótinishin qoldap, tiisti qujattardy sotqa usyndy.
Sot sheshimi zańdy kúshine engen joq.
Eske sala keteiik, Qairat Boranbaev 2022 jyly naýryzda qamaýǵa alyndy. Ol kvazimemlekettik sektorda asa iri mólsherde qarajat jymqyrdy degen kúdikke ilingen.
Buǵan deiin Qarjylyq monitoring agenttigi Qairat Boranbaev óz erkimen memleketke 90 mlrd teńgeniń aktivterin qaitarǵanyn málimdedi. Olardyń arasynda munai ken orny, gaz taratý kompaniiasy, qonaq úi jáne saýda oiyn-saýyq keshenderi bar.
Budan keiin Qairat Boranbaevtyń memleketke keńse úi-jailaryn, saýda-oiyn-saýyq keshenin jáne dene shynyqtyrý-saýyqtyrý jelisin qaitarǵany habarlandy. Onyń ishinde quny 33,75 mlrd teńge bolatyn nysandar bar.
Boranbaev sonymen qatar taý ken orny men gaz taratý kompaniialaryn memleketke qaitardy. Sondai-aq quny 14 mlrd teńge bolatyn gaz taratý kompaniiasy da memleket menshigine ótti. Astananyń sol jaǵalaýyndaǵy qonaq úiin óz erkimen memleketke berdi.
Boranbaev – iri kásipker, Qazaqstandaǵy, Belarýstegi jáne Reseidiń birneshe óńirindegi McDonald's jyldam tamaqtaný jelisiniń jáne taǵy basqa iri kompaniialardyń iesi. Onyń qyzy Álima 2020 jyly jazda Nursultan Nazarbaevtyń qaitys bolǵan jieni Aisultanǵa turmysqa shyqqan.
