Jyl basynan beri eldegi áleýmettik mańyzy bar azyq-túlik taýarlary 6,3%-ke qymbattaǵan. Bul týraly QR Saýda jáne integratsiia ministri Baqyt Sultanov aitty, dep habarlaidy "Ult aqparat".
«Jyl basynan beri áleýmettik mańyzy bar azyq-túlik taýarlarynyń baǵasy 6,3%-ke ósti, onyń ishinde 6 taýarlyq pozitsiia 5,3 protsenttik tarmaqty nemese jalpy ósimniń 84%-tin qurady. Bul maýsymaralyq kezeńde baǵanyń ósýi baiqalatyn kókónister, sondai-aq importqa táýeldi ónimder (qant, qaraqumyq jarmasy) jáne joǵary eksporttyq suranysy bar taýarlar. Jyldyq mánde baǵanyń ósýi 11,8%-ti qurady», - dedi Saýda ministri búgingi Úkimet otyrysynda.
Biylǵy 5 aidyń qorytyndysy boiynsha áleýmettik mańyzy bar azyq-túlik taýarlarynyń aitarlyqtai qymbattaýy Túrkistan oblysynda – 9,4%, Nur-Sultan qalasynda – 8,5% jáne Almaty qalasynda – 6% tirkelgen.
«Baǵanyń eń tómen ósimi Batys Qazaqstan oblysynda – 5,7%, Aqmola oblysynda – 5,6% jáne Qaraǵandy oblysynda – 5,2% baiqalady», - deidi B. Sultanov.
