Qaraǵandy oblysynyń ákimi Jeńis Qasymbek oblystaǵy jaszdyń aptap ystyǵyna bailanysty órt shyqqan óńirlerdegi jaǵdaidy bilip qaitty.
Sapar barysynda kórgen-bilgenderimen Facebook jelisinde bólisti, dep habarlaidy "Ult aqparat".
Saǵat 10:00-de Sheńber aýyldyq okrýginde boldym. Munda dala órtiniń taǵy bir oshaǵy tirkeldi. Órt Qostanai oblysy jaǵynan keldi. Oqiǵa ornynda órt sóndirýshiler jáne orman sharýashylyǵynyń qyzmetkerleri jumys istep jatyr. Eldi mekenge tónip turǵan qaýip joq.
Sondai-aq áýeden Amangeldi aýyldyq okrýgindegi jaǵdaimen tanystym. Munda túnde órt boldy. Qazir órt oshaǵy tolyqtai sóndirildi.
Ulytaý aýdany boiynsha barlyǵy 6 órt oshaǵy baqylaýǵa alynǵan. Onyń ishinde tórt dala órti jáne eki órt oshaǵy bar. Sátbaev qalasy mańyndaǵy órt oshaǵy sóndirildi. Al Borseńgir aýylynyń mańyndaǵy órt oshaǵyn óshirý jumystary aiaqtalý satysynda.
«Qaýipti ýchaskelerdi joiý úshin qajetti kúshter men quraldar jetkilikti. Jezqazǵan jáne Sátbaev qalalarynan ákimdikter 20 tonna kóleminde jem-shóp pen azyq-túlik jetkizýdi uiymdastyrdy»,-dep jazdy oblys ákimi.
