Foto: Aqorda
Qasym-Jomart Toqaev Pákistan Premer-ministri Shahbaz Sharif pen Pákistan Qarýly kúshteriniń bas qolbasshysy, feldmarshal Asim Mýnir araaǵaiyndyǵymen Taiaý Shyǵystaǵy soǵysty tolyq toqtatý jáne bitimge kelý týraly kelisimge qol jetkizilýin quptady, dep habarlaidy Ult.kz.
Memleket basshysy atalǵan kelisimniń júzege asýyna Donald Tramp bastaǵan halyqaralyq taraptardyń, sondai-aq Iran basshylyǵy men áskeri qaqtyǵysqa qatysqan elderdiń ózara túsinistigi men izgi nieti yqpal etkenin atap ótti.
Prezidenttiń aitýynsha, qol jetkizilgen bitimgershilik kelisim jahandyq turaqtylyqty nyǵaitýǵa, álemdik saýdanyń damýyna jáne memleketterdiń ekonomikalyq órkendeýine oń áserin tigizýi tiis.
Sondai-aq Qasym-Jomart Toqaev bul kelisim uzaq merzimdi sipatqa ie bolyp, óńirdegi beibitshilik pen qaýipsizdikti qamtamasyz etedi degen úmit bildirdi.
