Foto: Aqorda
Qazaqstan Prezidenti Birikken Arab Ámirlikteri, Saýd Arabiiasy, Qatar, Bahrein jáne Kýveit memleketteriniń basshylaryna osynaý qiyn-qystaý kezeńde shynaiy qoldaýy men tilektestigin bildirip, hat joldady, dep habarlaidy Ult.kz. Bul týraly Prezidenttiń baspasóz hatshysy Aibek Smadiiarov jazdy.
Memleket basshysy dostas ári baýyrlas elderdiń táýelsizdigi men qaýipsizdigine nuqsan keltirýge baǵyttalǵan barlyq áskeri áreketti batyl aiyptaidy.
– Qazaqstan halyqaralyq kúrdeli problemalar men qarýly qaqtyǵystardyń bárin tek diplomatiialyq jolmen sheshýdi udaiy jaqtaidy, – delingen hatta.
Qasym-Jomart Toqaev Qazaqstan baýyrlas arab memleketterine qal-qaderinshe kómek kórsetýge daiyn ekenin aityp, atalǵan elderdiń basshylarymen turaqty qyzmettik qarym-qatynas jalǵasatynyna úmittenetinin jetkizdi.
