Atyraý oblysynda Kaspii jaǵalaýyndaǵy qamys áli órtenip jatyr, dep habarlaidy "Ult aqparat".
Oblystyq Tótenshe jaǵdailar departamenti baspasóz qyzmetiniń málimetine súiensek, Kaspii teńiziniń jaǵalaýyndaǵy qamys órti áli tolyq sóngen joq.
«Qamys órtin sóndirýge Atyraý qalalyq órt sóndirý bólimshelerinen 7 arnaiy avtotehnika jumyldyryldy. Al, 35 qyzmetker órt oshaqtaryn aspaly órt sóndirgishter men motopompalardyń kómegimen sóndirýde. Teńiz jaǵalaýy batpaqty jáne ósimdikterdiń tym biik ósýi qamys órtin sóndirýde qiyndyq týǵyzýda» - dep habarlady departamenttiń baspasóz qyzmeti.
Teńiz jaǵalaýyndaǵy qamys órtine jerden jáne áýeden barlaý arqyly monitoring júrgizilýde. Jaǵalaýdan úzdiksiz bailanys ornatý úshin órt bolǵan aýmaqta shtab ornalastyrylǵan. Órttiń sebebi men aýdany anyqtalyp jatyr.
