Qashyqtan oqitynyna qaramastan ár oqýshynyń qaǵaz túrindegi oqýlyǵy bolýy kerek. Bul týraly Ortalyq kommýnikatsiialar qyzmetinde ótken onlain-brifingte QR Bilim jánem ǵylym ministri Ashat Aimaǵambetov aitty, dep habarlaidy QazAqparat.
«Biz oqýlyq jetkizý jáne basyp shyǵarý boiynsha jumystar júrgizdik. Qashyqtan oqý formatyna qaramastan oqýshylardy oqýlyqpen qamtamasyz etemiz. Bul óte mańyzdy. Qashyqtan oqitynyna qaramastan ár oqýshynyń qaǵaz túrindegi oqýlyǵy bolýy kerek», - deidi Bilim jáne ǵylym ministri Ashat Aimaǵambetov.
Ministrdiń aitýynsha, búgingi kúni jańa oqýlyqtardy aimaqtarǵa jóneltý jumystary bastaldy.
«Byltyr jyl sońynda shyǵarylǵan oqýlyqtardy da tamyz aiynan bastap óńirlerge jiberemiz. Adamdar kóp jinalyp qalmaityndai etip uiymdastyramyz. Arnaiy keste qoiylyp, qajet jerde áriptesterimiz, volonterler kómektesetin bolady. Epidemiologiialyq jaǵdaiǵa keri áser etpeitindei etip jumys isteimiz», - deidi ol.
