Photo: pixabay/ds_30
Qarjy ministrligi qazaqstandyqtardyń zeinet jasyn tómendetý máselesin qarastyryp jatqan joq. Bul týraly vedomstvo basshysy Erulan Jamaýbaev málimdedi, dep habarlaidy Sputnik Qazaqstan.
Aitýynsha, Eńbek ministrliginen zeinet jasyn tómendetýge qatysty eshqandai usynys túspegen.
"Bul másele kóterilip júr, biraq naqty talqylanyp jatqan joq. Úkimette talqylanǵan joq. Zań bar, biz sony oryndaimyz", - dedi Jamaýbaev Úkimet kýlýarynda.
Ministr jyl saiyn zeinetaqy tólemderine respýblikalyq biýdjetten 2,2 trillion teńge bólinetinin atap ótti.
"Kez kelgen ózgeris tereń esepteýler men jan-jaqty talqylaýdy qajet etedi", - dedi ol.
Jamaýbaev qazir Eńbek ministrligi egde jastaǵy adamdardy qoldaýǵa baǵyttalǵan baǵdarlamalardy júzege asyryp jatqanyn aitty.
"Eńbek ministrliginiń kóptegen jaqsy baǵdarlamasy bar, sonyń ishinde "Kúmis jasty" atap ótýge bolady. Bul baǵdarlamalarǵa belgili bir qarajat bólinedi. Sol sebepti ázirge qoldanystaǵy baǵdarlamalar boiynsha jumys isteimiz jáne qoldanystaǵy zańdarmen ómir súremiz", - dedi Jamaýbaev.
Buǵan deiin Eńbek jáne halyqty áleýmettik qorǵaý ministri Tamara Dúisenova zeinet jasyn tómendetý máselesin qoǵam belsendileri men Úkimettiń qarjy blogy qarastyryp jatqanyn málimdegen edi.
