Qarjy ministri Erulan Jamaýbaev vedomstvonyń 2021 jyldaǵy jumysynyń negizgi baǵyttaryn atady, dep habarlaidy "Ult aqparat".
«Biyl ministrlik qyzmeti strategiialyq bastamalardy, Memleket basshysynyń tapsyrmalaryn jáne «Nur Otan» partiiasy saialaýaldy baǵdarlamasynyń is-sharalaryn júzege asyrýǵa baǵyttalady. Jalpy, josparlanǵan jumysty 5 negizgi blokqa toptastyrýǵa bolady», - dedi Jamaýbaev halyq aldynda esep berýi kezinde.
Osy oraida ministr atalǵan bloktarǵa naqty toqtalyp ótti:
Birinshisi – biýdjettiń teńgerimdiligin qamtamasyz etý men ońtailandyrý.
Ekinshisi – salyq jáne keden ákimshilendirýin tsifrlandyrý jáne «kóleńkeli» ekonomika deńgeiin tómendetý.
Úshinshisi – memlekettik aktivterdi basqarý tiimdiligin arttyrý.
Tórtinshisi – memlekettik satyp alýlardy ary qarai jetildirý.
Besinshisi – memlekettik aýdittiń sapasyn arttyrý.
