Foto: optimism.kz
Jaiylatyn kez kelgen dastarhanda ysyrapqa jol birilmeý kerek. Bul týraly elordada ótken baspasóz máslihatynda Bas múfti Naýryzbai qajy Taǵanuly málim etti, dep habarlaidy Ult.kz Kazinform-ǵa silteme jasap.
- Islam dinimiz adamǵa eshqashan qiynshylyqty buiyrmaidy. Sondyqtan shamasy kelgen adam sadaqa men aýyzashar beredi. Qaryzǵa batyp, aýyzashar bergennen góri, aýyzashar berýge niet qylyp, iaǵni kishkene qurma nemese bir jutym sýdy aýyzashar retinde berse, sonyń ózi jetkilikti. Osy arqyly aýyzashardyń saýabyn alady, – dedi Naýryzbai qajy Taǵanuly.
Osy oraida Bas múfti shariǵat boiynsha jaiylatyn kez kelgen dastarhanda ysyrapqa jol birilmeitinin eske saldy.
- Qazir aqparattyq tehnologiianyń damyǵan zamany. Biz de zaman úderisinen barynsha qalys qalmaýǵa tyrysyp, qasietti Ramazan aiy qarsańynda arnaiy birneshe jobany qolǵa aldyq. Naqty aitqanda, MuftyatBot dep atalatyn Telegram-botyn iske qostyq. Jańa Telegram-bot arqyly jalpy dini suraqtarǵa jaýap alýǵa bolady. Iaǵni bul joba shariǵat máseleleri boiynsha aqparat berýge jáne keńes usynýǵa arnalǵan. Sonymen qatar, múftiiat mamandary oblys, qala, aýdan jáne aýyldyń, barlyǵyn eseptegende elimiz boiynsha 6 000 eldi mekenniń oraza jáne namaz kestesin joǵary sapada PDF formatta muftyat.kz saityna jariialady. Ózińizge qajetti óńirdiń oraza jáne namaz kestesin saitymyzdan jáne Telegram bottan júktep alýǵa bolady, - dedi Bas múfti.
Sondai-aq Múftiiat janyndaǵy Dini aqparat berý, iaǵni koll ortalyǵy táýlik boiy jumys isteidi. Koll ortalyqtyń nómiri – 8 707 233 30 30.
Qazaqstan musylmandary dini basqarmasy ortaq pátýaǵa sáikes, qasietti Ramazan aiy 1 naýryzda bastalatynyn habarlap otyr. Naýryz aiynyń 26-nan 27-ne qaraǵan tún — Qadir túni, al 30 naýryz — Oraza ait merekesi.
Elimizdiń Bas múftii Naýryzbai qajy Taǵanulynyń tóraǵalyǵymen ótken Qazaqstan musylmandary dini basqarmasynyń tóralqa májilisinde pitir sadaqasy elimiz boiynsha eki keli unnyń ortasha baǵasy negizinde 655 teńge bolyp bekitildi.
Budan buryn habarlanǵandai, Bas múfti kásipkerlerdi azyq-túlik baǵasyna jeńildik jasaýǵa shaqyrdy.
