QR Prezidentiniń kómekshisi Erlan Qarin Memleket basshysy búgin qol qoiǵan QR adam quqyqtary salasyndaǵy odan ári sharalary týraly Jarlyqqa qatysty pikirimen bólisti dep habarlaidy "Ult aqparat".
«Búgin Prezident óte mańyzdy qujat - «QR adam quqyqtary salasyndaǵy odan ári sharalary týraly» Jarlyqqa qol qoidy. Jarlyqtyń baptaryn júzege asyrý úshin Úkimetke birinshi kezekte qolǵa alynýy tiis sharalardyń josparyn bekitý tapsyryldy. Atalmysh qujattyń mańyzy nede?», - dep jazdy Qarin Facebook-tegin paraqshasynda.
Onyń pikirinshe, búgingi Jarlyq Prezidenttiń saiasi jańǵyrý men liberalizatsiialaý boiynsha ustanǵan baǵytynyń jalǵasy. Ol endi memlekettiń kúshin quqyq qorǵaý máselelerine burady. Osyǵan deiin Prezident quqyq qorǵaýǵa qatysty máseleni Ulttyq qoǵamdyq senim keńesiniń ekinshi májilisinde (2019 jyl 20 jeltoqsan) kótergen bolatyn. Sonyń nátijesinde Qazaqstanda ólim jazasyna tyiym salyndy. Quqyq qorǵaý taqyryby Memleket basshysynyń ótken jylǵy Joldaýynda da (2020 jyl 1 qyrkúiek) erekshe oryn alǵan edi. Naqtyraq aitqanda, Memleket basshysy Joldaýynda azamattardy, ásirese balalardy kiberbýlling, adam saýdasy men zorlyq-zombylyq siiaqty áreketterden qorǵaý baǵytynda keshendi sharalar qabyldaýdy tapsyrdy. UQSK 5-shi májilisinde (2021 jyldyń 25 aqpany) penitentsiarlyq mekemelerdegi adamdar men áielderdiń quqyqtaryn qorǵaýǵa baǵyttalǵan sharalar legin usyndy.
Osy rette búgin qabyldanǵan qujattyń mańyzy - quqyq qorǵaý taqyrybynyń birjolata memlekettik saiasattyń basty basymdyǵy retinde bekitilip otyrǵandyǵynda.
«Maýsym Jarlyǵynda bekitilgen baptardyń barlyǵyn júzege asyrý - quqyq qorǵaý salasynyń keshendi jańǵyrtylýyn qamtamasyz etedi jáne ol ádil ári progressivti memleket qurýǵa degen talpynystyń kezekti qadamy bolmaq»,-dep qorytady Prezident keńesshisi.
Aita keteiik, búgin Qazaqstan Prezidenti Qasym-Jomart Toqaev QR adam quqyqtary salasyndaǵy odan ári sharalary týraly Jarlyqqa qol qoidy.
