Prezidenttiń kómekshisi Erlan Qarin búgin qabyldanǵan jer qatynastary týraly zańǵa qatysty pikir bildirdi, dep habarlaidy "Ult aqparat".
«Aýyl sharýashylyǵy jerlerin sheteldikterge satý jáne jalǵa berý týraly kóp jylǵa sozylǵan qyzý talqyǵa birjola jáne túbegeili núkte qoiyldy. Búgin Memleket basshysy «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrýlar engizý týraly» zańǵa qol qoidy. Qasym-Jomart Toqaev osy normany zań júzinde bekitý týraly sheshimdi biylǵy 25 aqpanda Ulttyq qoǵamdyq senim keńesiniń V otyrysynda jariialaǵan bolatyn. 12 naýryzda Prezident tiisti zań jobasyn Parlamenttiń qaraýyna arnaiy joldaǵan edi. Bul – Prezidenttiń zań shyǵarý bastamashylyǵy boiynsha ázirlengen alǵashqy zań jobasy. Sol arqyly Qasym-Jomart Toqaev aýyl sharýashylyǵy maqsatyndaǵy jerlerdi sheteldikterge satýǵa jáne jalǵa berýge tyiym salý týraly máseleni birjola sheshkisi keletinin naqty kórsetti» dep jazdy Erlan Qarin Facebook paraqshasynda.
Onyń aitýynsha, ótken aptada zań jobasy Parlamentte egjei-tegjeili jáne jan-jaqty talqylanyp, depýtattar maquldaǵan soń, Memleket basshysyna qol qoiýǵa usynylǵan.
«Is júzinde Prezidenttiń jer týraly zańy aýyl sharýashylyǵy maqsatyndaǵy jerlerdi sheteldikterdiń satyp alýyna jáne jalǵa alýyna tosqaýyl qoidy. Bul - biliktiń túrli daqpyrt pen qaýesetke bergen naqty jaýaby. Sondyqtan,osy másele boiynsha jurtty dúrbeleńge salýǵa budan bylai esh negiz joqtyǵyna taǵy da basa nazar aýdarǵym keledi. Jalpy, atalǵan qujat «Halyq únine qulaq asatyn memleket» tujyrymdamasynyń tiimdiligin, qoǵamdyq jáne jalpyulttyq dialog arqyly naqty nátijege qol jetkizýge bolatynyn taǵy bir márte kórsetti. El damýynyń uzaqmerzimdi múddesine sai keletin dál osyndai ustanymdar – Prezidenttiń saiasi baǵdarynyń ózegi» dep túiindeidi sózin Prezidenttiń kómekshisi.
