Keshe ǵana Ózbekstan úkimeti ashyq túrde alǵash ret prezident Islam Karimovtyń naýqastanyp, aýrýhanaǵa túskenin málimdedi. Resmi aqparatqa sáikes jergilikti dárigerler Karimovty "meditsinalyq tekserýden ótkizý men emdeý sharalary birazǵa sozylatynyn da" aitqan.
"Fergana.rý" portalynyń bas redaktory, Ortalyq Aziia elderi boiynsha ekspert Daniil Karimov bul jaǵdaiǵa bailanysty óz oiyn bylaisha órbitedi:
- 25 jyldyń ishinde úkimet te, ministrler kabineti de Karimovtyń aýyrǵany týraly birde-bir ret sybys shyǵaryp, jariia etpegen. Ol komaǵa túsip, 20 kúnge joq bolyp ketken kezde de resmi málimdemeler jasalmaǵan. Al búgin bárin ashyq aityp otyr. Demek, jaǵdai shynymen óte qiyn. "Brejnevtik nusqa" da qaitalanýy yqtimal. Dúnieden ozyp, birneshe ýaqyt ótkennen soń ǵana shyndyqpen bólisýi múmkin. Biraq Karimovtyń ketkeninen kóp eshteńe ózgere qoimaidy. Memlekettegi avtoritarizm sol qalpynda saqtalady. Murager máselesi de baiaǵyda qarastyrylyp qoiǵan. Barlyǵy sheshilip tur. Meniń oiymsha, ózbekterdiń kelesi basshysy qazirgi premer-ministr Shavhat Mirziiaev bolady. Óitkeni ol prezident januiasyna jaqyn hám tańdaýly ortalar men eldegi negizgi toptar arasynda úlken abyroiǵa, joǵarǵy oryndarǵa ie. Al, eger taq iesiniń aýysýy zań júzinde júzege assa, qazirgi senat basshysy prezident bolmaq. Onyń ataǵy joq jáne kóp eshkimge belgisiz saiasi tulǵa ekenin eskersek, Islam akanyń ornyn basýy ekitalai.
