Memleket basshysy N.Nazarbaevtyń tapsyrmasymen óńirdiń áleýmettik-ekonomikalyq damýyn baǵalaý úshin QR Premer-ministri Kárim Másimov jumys saparymen Batys Qazaqstan oblysyna bardy, dep habarlaidy pm.kz.
Kárim Másimovtiń jumys sapary baǵdarlamasynda aimaqtyń eńbek ujymdarymen jáne qoǵam ókilderimen kezdesýi, infraqurylymdyq nysandardy, AÓK kásiporyndaryn aralaýy kózdelgen.
Premer-ministr «Nurly Jol» baǵdarlamasy aiasynda júzege asyrylyp jatqan «Oral – Tasqala – RF shekarasy» avtojoldaryn qaita jóndeý barysyn baǵalaityn bolady.
Aimaqtyń jáne jalpy elimizdiń kólik-logistikalyq jobalarynyń strategiialyq mańyzdylyǵyn eskere otyryp, Kárim Másimov Batys Qazaqstan oblysyndaǵy avtomobil joldarynyń jai-kúii týraly keńes ótkizedi.
Sonymen qatar, Premer-ministr AÓK ókilderimen tamaq óńdeý ónerkásibiniń ózekti baǵyttaryn talqylap, «Kýblei» konservilerin shyǵaratyn kásiporynǵa barady.
Gaz salasynyń ózekti máseleleri men damý perspektivalaryn kompaniialardyń, memlekettik organdar men salalyq qurylymdardyń basshylarymen kezdesý barysynda talqylaý josparlanýda.
Batys Qazaqstan oblysy elimiz úshin ónerkásiptik mańyzǵa ie. Óńir aýmaǵynda munai jáne gaz óndirý, munai óńdeý, mashinajasaý, metallýrgiia, qorǵanys, taý-ken, tigin jáne tamaq salalarynyń kásiporyndary ornalasqan.
Indýstriialandyrý kartasyn júzege asyrý kezeńiniń alǵashqy besjyldyǵynda 31 joba júzege asyrylyp, 1828 jańa jumys orny quryldy. Ekinshi besjyldyq aiasynda 11 jobany júzege asyrý josparlanyp otyr.
Qazirgi tańda Batys Qazaqstan oblysynyń halqynyń sany 639 myńnan astam, onyń 48% – qala turǵyndary.
