Qorǵanys ministrligi kúrdeli epidemiologiialyq jaǵdaiǵa bailanysty áskeri oqý oryndaryna talapkerlerdi qashyqtan qabyldaý týraly sheshim qabyldady, dep habarlaidy "Ult aqparat".
Áskeri institýtqa túsý úshin 27 shilde men 11 tamyzda, Kadet korpýsyna qabyldaný úshin 1 jáne 20 tamyz aralyǵynda qabyldaý komissiialary talapkerlerdiń UBT tapsyrý, psihologiialyq testileý nátijeleri jáne jergilikti áskeri basqarý organdarynyń meditsinalyq komissiialarynyń qorytyndylary, sondai-aq bilim týraly qujatta kórsetilgen dene shynyqtyrý daiarlyǵy boiynsha jasalǵan jiyntyq reiting kestesi negizinde kandidattardy qabyldaidy.
Sonymen qatar, «Jas ulan» respýblikalyq mektebine qabyldaý matematika, oqytý tili jáne dene shynyqtyrý boiynsha negizgi orta bilimdi bitirgeni týraly kýálikte kórsetilgen baǵalar, ata-analar bergen densaýlyq jaǵdaiy týraly meditsinalyq anyqtama negizinde 2020 jyldyń 3-7 tamyz aralyǵynda túsýshilerdiń qatysýynsyz ótedi.
Jergilikti áskeri basqarý organdarynda áskerge shaqyrý komissiialarymen talapkerlerdi meditsinalyq kýálandyrý, kásibi-psihologiialyq testileý, oqý oryndaryna qujattardy jinaý jáne usyný uiymdastyryldy.
Irikteý aiaqtalǵany, qabyldaý komissiiasynyń sheshimderi jáne iriktelgen kandidattardyń kelý merzimderi týraly aqparatty kórsetilgen saittarda tanysýǵa bolady:
- Radioelektronika jáne bailanys áskeri-injenerlik institýty – viires.kz
- Áýe qorǵanys kúshteriniń Áskeri institýty – visvo.mil.kz
- Qurlyq áskerleriniń Áskeri institýty: 8 (727) 290-16-09, 8 (727) 290-16-41
- Qorǵanys ministrligi Kadet korpýsynyń bailanys nómiri:
8 (71636) 4-15-20, 8-776-171-09-79, 8-700-983-25-99, 8-747-354-14-13.- «Jas ulan» RM Nur-Sultan – zhasulan.mil.kz
- «Jas Ulan» RM Almaty – 8 (7273) 09-73-53, 8-778-421-75-12.
- «Jas Ulan» RM Shymkent – miled.kz
- «Jas ulan» RM Qaraǵandy – zhasulan-krg.kz
Irikteýden sátti ótken talapkerler oqý ornyna keler aldynda COVID-19-ǵa test tapsyryp, nátijesin kórsetýi qajet. Karantin sharalaryna sáikes olar eki apta oqshaýlanady.
COVID-19-ǵa tapsyrǵan test oń nátije kórsetken talapkerler tolyq saýyqqannan keiin qaita tapsyrylǵan meditsinalyq test nátijesimen oqý ornyna kele alady.
