Búginnen bastap koronavirýspen aýyrǵandar jáne naýqastarmen bailanysta bolǵandar karantin rejimin buzsa 87 myń teńge aiyppul tóleidi. Bul týraly Nur-Sultan qalasynyń bas memlekettik sanitar dárigeri Sarhat Beisenova aitty, dep habarlaidy QazAqparat.
«QR Densaýlyq saqtaý ministrligi koronavirýs infektsiiasyna shaldyqqan naýqastar men olarmen bailanysta bolǵan adamdar úshin oqshaýlanýdyń mindetti rejimin kózdeitin sanitarlyq erejelerdi bekitti. Atalǵan talaptardy oryndamaǵany úshin QR ÁQbK 425-baby 1-tarmaǵyna sáikes, quqyq buzýshylyqqa jol bergen tulǵalar 30 AEK nemese 87 510 teńge mólsherinde ákimshilik jaýapkershilikke tartylady. Bul ereje búgin kúshine endi», - dedi Sarhat Beisenova.
Onyń dereginshe, «Ashyq» qosymshasy iske qosylǵan sátten bastap úi karatinin buzǵan 3 140 adam anyqtaldy. Olardyń 1 436-sy koronavirýspen aýyrsa, 1 704-i naýqastarmen bailanysta bolǵan.
«Qyzyl» nemese «sary» mártebesi bar turǵyndar qalanyń qoǵamdyq oryndarynda júrý arqyly COVID-19 tasymaldaýshysy bolady ári immýniteti tómen, qart adamdar men balalar jáne táýekel toobyna kiretin ózge de qala turǵyndaryna juqtyrady.
