QR Densaýlyq saqtaý ministri Aleksei Tsoi turǵyndardyń kóshede qandai talaptardy saqtaýy qajettigin túsindirdi, dep habarlaidy "Ult aqparat".
«Sportpen ainalysý formatyna qatysty, áleýmettik qashyqtyqty saqtai otyryp, ashyq aýada jeke jáne toptyq jattyǵýlarǵa ruqsat etiledi. Sondai-aq, ulttyq quramalar úshin 30 adamnan aspaityn sporttyq jattyǵýlarǵa ruqsat beriledi», - dep atap ótti ministr búgingi Úkimet otyrysynda.
Ministr halyqtyń kóshedegi qozǵalysyna qatysty mynadai talaptar saqtalatynyn aitty.
«Kóshege, saiabaqtarǵa, skverlerge jáne jaǵalaýǵa barǵanda 3 adamnan artyq toptasýǵa bolmaidy. Qoǵamdyq kóliktiń jumysy ýaqyt pen jolaýshylar sanyn 50% shektei otyryp, maskalyq, sanitarlyq-dezinfektsiialyq rejimdi saqtaýdy jáne kondýktorlardyń bolýyn mindetteý arqyly qaita jandanady», - dedi Aleksei Tsoi.
