Nur-Sultan qalasynyń Bas memlekettik sanitariialyq dárigeri Sarhat Beisenova koronavirýstyń taralýynyń aldyn alý úshin jańa qaýly shyǵardy, dep habarlaidy "Ult aqparat".
Nur-Sultan qalasynyń turǵyndary men qonaqtaryna «Ashyq» jobasyna qatysatyn obektilerde eske alý sharalaryn ótkizýdi qospaǵanda, otbasylyq, buqaralyq is-sharalardy, onyń ishinde úide (banketter, úilený toilary, mereitoilar, eske alý jáne t. b.) ótkizýge jáne qatysýǵa, mitingiler, sherýler, jiyndar jáne t. b. ótkizýge tyiym salý talaptary jalǵasady.
Sonymen birge, Nur-Sultan qalasynyń ákimdigi, Kólik jáne jol-kólik infraqurylymyn damytý basqarmasy, Investitsiialar jáne kásipkerlikti damytý basqarmasy, Qoǵamdyq densaýlyq saqtaý basqarmasy, Bilim berý basqarmasy, Dini ister basqarmasy, Nur-Sultan qalasynyń dene shynyqtyrý jáne sport basqarmasy, «City Transportation Systems» JShS, zerthanalar men meditsinalyq uiymdar, memlekettik organdar, uiymdar, kásiporyndar, kásipkerlik sýbektileri tómendegi sharalardy jasaýy qajet:
- óndiristik qajettilikke bailanysty, menshik nysanyna qaramastan, memlekettik organdardyń (uiymdardyń), ulttyq kompaniialardyń, kásiporyndardyń ákimshilik personalynyń keminde 80%-yn qashyqtyqtan jumys túrine kóshirý. Qyzmetkerlerdi COVID-19-ǵa qarsy vaktsinatsiialaý júrgizilgen jaǵdaida qyzmet qashyqtyqtan jáne kúndizgi jumys formatynda jumys isteitin qyzmetkerlerdiń paiyzdyq araqatynasy boiynsha talaptardy eskerýsiz júzege asyrylady. Bul rette sońǵy 3-6 ai ishinde COVID-19-ǵa qarsy vaktsinanyń tolyq kýrsyn alǵan jáne COVID-19-ben aýyryp jazylǵan barlyq qyzmetkerlerdiń kúndizgi rejimde jumys isteýine jol beriledi;
- qalalyq qoǵamdyq kóliktiń jumysy (qarbalas saǵattarda avtobýs sanyn ulǵaitý, sońǵy aialdamada dezinfektsiialaý quraldarymen salondy óńdeý, barlyq esikterdi ashý, jolaýshylarǵa qoljetimdi oryndarda sanitaizer ornatý, áleýmettik qashyqtyqty saqtaý jáne jolaýshylar men júrgizýshilerdiń betperde taǵýy) jumys kestesi jumys jáne senbi kúnderi shtattyq kestege sáikes, jeksenbi kúnderi jumys isteýine tyiym salynady;
- HQKO jumysyn kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy saqtaǵan jaǵdaida, jumys jáne senbi kúnderi saǵat 09:00-den 18:00-ge deiin jumys kestesin belgilei otyryp, jeksenbi kúnderi jumysyna tyiym salýmen uiymdastyrý;
- JOO jáne kolledj stýdentteriniń bitirý emtihandaryn qashyqtyq rejiminde tapsyrýdy uiymdastyrý. Joǵary oqý oryndary men kolledjderde bitirý keshterin uiymdastyrýǵa jáne ótkizýge jáne diplomdardy oflain rejimde tapsyrýǵa tyiym salý. Bilim berý mekemelerinde sabaqtan tys ýaqytta oqýshylardyń jeke oqýyn uiymdastyrýǵa tyiym salý;
- týrizm obektileri men halyqtyń turýy qyzmetterin kórsetý salasyndaǵy uiymdar (qonaq úiler, otelder, demalys úileri, týristik bazalar jáne t.b.) jumysyn 80%-dan artyq toltyrmai, «Ashyq» jobasyna qatysatyn obektilerdi qospaǵanda, kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy saqtai otyryp uiymdastyrý;
- saýda-oiyn-saýyq ortalyqtarynyń, saýda úileriniń jumysyn bir kelýshige 4 m2 tolymdyqty jáne kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy saqtap, jumys kúnderi saǵat 10.00-den 17.00-ge deiin, senbi jáne jeksenbi kúnderi jumystaryna tyiym salý jolymen uiymdastyrý (azyq-túlik ónimderi men birinshi kezekte qajetti zattardy satatyn dárihanalardy, shaǵyn marketterdi, sýpermarketter men gipermarketterdi, COVID-19-ǵa qarsy jappai vaktsinalaýǵa arnalǵan pýnktterdi jáne «Ashyq» jobasyna qatysatyn kásipkerlik obektilerin qospaǵanda). Bul rette, «Ashyq» jobasyna qatysatyn obektilerdi qospaǵanda, kórsetilgen aýmaqtarynda ornalasqan attraktsiondardyń, oiyn alańdarynyń, muzdy jáne rolikti syrǵanaqtardyń, oiyn ortalyqtarynyń jumysyna qatań tyiym salynady.
- «Ashyq» jobasyna qatysatyn fýdkorttardy qospaǵanda, fýdkorttardyń jumysyna tamaqty tek shtattyq rejimde jetkizýge jáne shyǵarýǵa ruqsat etiledi. Túrli aktsiialar, jármeńkeler, shoýrýmdar, utys oiyndaryn (onlain formatty qospaǵanda) ótkizýge tyiym salynady;
- meiramhanalar, dámhanalar, kofehanalar tipindegi (ǵimarat ishindegi) qoǵamdyq tamaqtaný obektileri jumysyn ornalasqan jerine qaramastan, kúsheitilgen sanitariialyq-epidemiiaǵa qarsy sharalardy jáne ústelder arasynda keminde 2 metr áleýmettik qashyqtyqty saqtai otyryp, tolymdyǵy 50%-ǵa deiin jáne 30 orynnan aspaityn sharttardy saqtaǵan jaǵdaida jumys kúnderi saǵat 07:00-den 20:00-ge deiin, senbi jáne jeksenbi kúnderi jumystaryna tyiym sala otyryp uiymdastyrý;
«Ashyq» jobasyna qatysatyn obektilerdi qospaǵanda, ashyq aýadaǵy meiramhanalarǵa otyratyn oryndarynyń sany 30-dan aspaityn jumys jáne demalys kúnderi saǵat 07:00-den 22:00-ge deiin jumys isteýine ruqsat beriledi.
Ashanalar tipi boiynsha qoǵamdyq tamaqtaný obektileri jumysyn ornalasqan jerine qaramastan, kúsheitilgen sanitariialyq-epidemiiaǵa qarsy sharalardy jáne ústelder arasynda keminde 2 metr áleýmettik qashyqtyqty saqtai otyryp, jumys kúnderi jáne demalys kúnderi saǵat 07:00-den 24:00-ge deiin 30 orynnan aspaityn oryndardy saqtai otyryp uiymdastyrylady.
Aita keteiik, osy qaýly 2021 jylǵy 27 maýsymda saǵat 00:00-den bastap kúshine enedi.
