Karantin jaǵdaiynda Qazaqstannan shetelge shyǵýǵa bolatyn birneshe sebep bar. Bul týraly QR UQK Shekara qyzmetiniń Instagram paraqshasynda karantindik shekteýler kezeńindegi memlekettik shekaradan ótý tártibine qatysty onlain konferentsiiada aityldy, dep habarlaidy QazAqparat.
«Elden shyǵýǵa múmkindik beretin birqatar sebep pen erekshe jaǵdailar bar. Karantindik shekteýler kezinde kez kelgen adam óz qalaýymen shekara asa almaityny anyq. Óitkeni tek Qazaqstanda ǵana emes, ózge de memleketter shekteýler bar. Qazaqstandyq azamat belgili bir immigratsiialyq mártebesi bolǵan jaǵdaida, áldebir memlekette turǵylyqty mekenjaiy, migratsiialyq vizasy bolsa elden shyǵa alady. Týǵan-týystyń syrqattanyp qalýy nemese jerleý rásimine barý siiaqty basqa da jaǵdaiǵa bailanysty elden shyǵýǵa bolady», - deidi UQK Shekara qyzmeti Shekaralyq baqylaý departamentiniń orynbasary Oleg Aleksandrovich.
Sondai-aq, ol óz eline kelgisi keletin qazaqstandyq azamattar ne isteýi kerektigi týraly aitty.
«Qazaqstan azamattarynyń konstitýtsiialyq quqyǵy bar. Ol qandai jaǵdai bolmasyn óz memleketiniń aýmaǵyna kirýge quqyly. Bul jóninde jumystar atqarylyp, mehanizmder ázirlengen. Shetelden 12 261 otandasymyz shekaradan qaitaryldy. Bul máselemen konsýldyq mekemeler ainalysyp jatyr. Sheteldegi Qazaqstan azamattary konsýldyqqa habarlasyp, qajetti kómek ala alady», - deidi ol.
