Karantin kezinde dárigerler qazaqstandyqtarǵa tegin konsýltatsiia jasaidy.
Shalǵai aýyldarda beiindi mamandar joq, al qala turǵyndary dárigerge barýǵa ýaqyt tappaidy. Osyǵan bailanysty 2020 jyldyń basynda Qazaqstanda 1430.kz onlain-platformasy iske qosyldy, jańa qyzmet arqyly turǵyndar beiindi mamandardan keńes ala alady. Elimizdiń kez kelgen aimaǵynda otyryp úiden shyqpai-aq dárigermen bailanysýǵa bolady.
Bul platformanyń basty eki maqsaty bar. Turǵyndarǵa keńes berý jáne dárigerlerdiń qosymsha tabys tabýyna múmkindik berý. 1430.kz qyzmeti arqyly Qazaqstannyń ár aimaǵynan 1 847 dáriger halyqpen bailanysta. Olardyń barlyǵy meditsinalyq tájiribesi mol kásibi mamandar.
Qyzmet qalai jumys isteidi? 1430.kz saityna kirip, qajetti mamandy tańdaisyz. Kez kelgen óńirden habarlasýǵa bolady jáne mamannan konsýltatsiia alý úshin ózińizge qolaily ýaqytty belgileisiz. Búginde shalǵai aýyldarda hirýrg, lor-dáriger, nevrologty aitpaǵanda, qarapaiym terapev jetispeidi. Atalǵan dárigerlerden keńes alý óte qiyn.
Al, úlken qalalarda másele múldem basqa. Munda maman kóp, biraq turǵyndardyń dárigerge barýǵa ýaqyty joq. Sebebi, jumystan qoly bosamaidy, kóshede keptelis, emhanalarda uzyn-sonar kezek. Demek, dárigerge jetý úshin jarty kún ketedi.
Osy máselelerdi eskerip, 1430.kz qyzmeti iske qosyldy. Dárigerden keńes alý úshin onyń qabyldaýyna barýdyń qajeti joq. Úide otyryp basqa qaladaǵy dárigerimen sóilese alasyz. Dárigerler onlain keńes beredi, tipti, qan, zár, MRT, KTA analizin de qaraidy.
Búginde 2 myńnan astam adam 1430.kz servisin paidalandy. Kún saiyn dárigerler 150-200 turǵynnyń suraqtaryna jaýap beredi. Onlain-ótinishterdiń statistikasy ósýde.
Karantin kezinde 1430.kz platformasynyń múmkindigi men meditsinalyq qyzmetterge degen suranys artty. Karantinde qazaqstandyqtardyń basym bóligi qashyqtyqtan jumys isteýde. Adamdarda óziniń jáne jaqyndarynyń densaýlyǵyna kóńil bólýge múmkindik týdy.
Osy oraida, 1430.kz saityna kirip, úiden shyqpai-aq mamandarǵa habarlasýǵa bolady. Aita ketý kerek, tótenshe jaǵdai rejimi kezinde 1430.kz qyzmetiniń mamandary halyqqa tegin keńes berdi. Bul qiyn ýaqytta qazaqstandyqtarǵa úlken qoldaý jáne kómek boldy.
