Atyraý oblysynda «Ashyq» jobasyna qatysatynyna qaramastan birneshe nysannyń jumysy toqtatylatyn boldy, dep habarlaidy "Ult aqparat".
Bul týraly oblystyń bas memlekettik sanitar dárigeri Mádeniet Tanaýovtyń jańa qaýlysynda aitylǵan.
«Kópshilik is-sharalardy (merekelik, kópshilik mádeni is-sharalardy, kórmelerdi, korporativterdi, forýmdardy, konferentsiialardy, sondai-aq otbasylyq, estelik is-sharalardy (banketter, úilený toilary, mereitoilar, eske alý jáne t. b.), onyń ishinde úide jáne jappai adamdar jinalatyn ózge de is-sharalardy ótkizý, oiyn-saýyq obektileriniń, banket zaldarynyń, jabyq úi-jaidaǵy, sonyń ishinde qoǵamdyq tamaqtaný obektilerindegi balalar oiyn-saýyq ortalyqtary men attraktsiondardyń, oiyn alańdarynyń (aýladaǵylardy qospaǵanda), kalian, býkmekerlik keńselerdiń, oiyn klýbtarynyń, túngi klýbtardyń, merekelerdi uiymdastyrý boiynsha qyzmet kórsetýdiń qyzmeti toqtatylsyn» - delingen qujatta.
Sondai-aq, kórermenderi bar sporttyq is-sharalardy ótkizý, ashyq aýadaǵy attraktsiondardyń barlyq túrleriniń jumysyna (demalys saiabaqtarynda, alańdarda), basseinderi bar akvaparkterdiń jumysy, alańdardaǵy, saiabaqtardaǵy, skverlerdegi, jaǵalaýdaǵy balalardyń, eresekterdiń jyljymaly oiyn quraldarynyń usaq bólshek saýdasy, jalǵa berý, qalaralyq, oblysaralyq, qalalyq júieli jáne júieli emes avtobýs jáne shaǵyn avtobýs tasymaldary, jinalystar, keńester, seminarlar, konferentsiialardy offlain rejimde ótkizý toqtaityn boldy.
Oblystyń bas memlekettik sanitar dárigeriniń jańa qaýlysy 2021 jylǵy 17 shildede saǵat 00:00-den bastap kúshine enedi.
