Ózbekstan IIM Qaraqalpaqstannyń bas qalasy - Núkistegi mitingilerge qatysty resmi túsinikteme berdi, - dep habarlaidy Tengrinews.kz tilshisi vedomstvonyń Telegram-arnasyna silteme jasap.
El biliginiń tujyrymynsha, zańsyz demonstratsiialar 1 shildede saǵat 15.00-de "respýblikada júrgizilip jatqan konstitýtsiialyq reformalardy durys túsindirmeý nátijesinde" bastalǵan. Qaraqalpaqstan turǵyndary qala boiynsha sherýler uiymdastyrdy, osydan keiin olar ortalyq dehkan bazarynyń aýmaǵyna jinalyp, zańsyz demonstratsiia uiymdastyrǵan.
"Qoǵamdyq tártipti buzýǵa jol bermeý jáne azamattardyń túrli quqyqbuzýshylyqtardy jasaýyna jol bermeý maqsatynda dehkan bazarynyń aýmaǵynda quqyq qorǵaý organdarynyń kúshteri men quraldary jumyldyryldy. Qazirgi ýaqytta qoǵamdyq tártip qalpyna keltirildi, azamattarmen zańnamany buzýǵa jol bermeý týraly túsindirý, sondai-aq azamattardyń ótinishterin belgilengen tártippen qaraý boiynsha jumystar júrgizilip jatyr", - dep habarlady Ózbekstan IIM baspasóz qyzmeti.
