Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Qaraǵandylyq politseiler erli-zaiyptylardyń 2 mln teńge salynǵan sómkesin taýyp berdi

Ult portaly
Qaraǵandylyq politseiler erli-zaiyptylardyń 2 mln teńge salynǵan sómkesin taýyp berdi


Qaraǵandylyq politseiler erli-zaiyptylardyń eki mln teńge salynǵan sómkesin taýyp berdi, dep habarlaidy Polisia.kz saity.

3 maýsym kúni saǵat 12:25 shamasynda Qaraǵandy qalalyq PB-na qarasty Ortalyq politsiia bólimine belgisiz bireý Núrken Ábdirov dańǵylyndaǵy úilerdiń biriniń aýlasyndaǵy oryndyqtan ishinde eki million teńge aqshasy bar qol sómkeni alyp ketti degen habarlama túsken. Arada on minýt ýaqyt ótkende oqiǵa ornyna quramynda tergeýshi Arman Imanqulov, jedel ýákil Izmurat Múslimov jáne kriminalist Nurlan Beisenbekov bar jedel-tergeý toby jetken. Aldymen sol jerge barǵan politsiia qyzmetkerleri iri kólemde aqshanyń joǵalýy boiynsha anyqtaý jumystaryn júrgizgen. Erli-zaiypty Medet jáne Veronika Kokyshevter kólik satyp alý maqsatynda Aqmola oblysynan Qaraǵandyǵa kelgen. Núrken Ábdirov dańǵylynyń boiyndaǵy úilerdiń biriniń aýlasynda olar Qaraǵandy qalasynan satyp almaqshy bolǵan kólikti kórsetetin óziniń tanysyn kútip otyrǵan. Arada ýaqyt ótkende tanysy kelip, erli-zaiyptyny satyp alatyn kólikterin kórsetýge aparǵan. Kólik alýǵa barar jolda Veronika otyrǵan jerlerinde ishinde eki million teńge aqshasy bar qol sómkesin umytyp ketkenin aityp, Núrken Ábdirov dańǵylyna qaityp oralady. Olar aqsha salynǵan sómkeni tappaǵandyqtan politsiiaǵa habarlasqan. 

– Oqiǵa ornyna kelgen bizder birden aýmaqqa oqiǵanyń kýágerlerin anyqtaý maqsatynda jumystar júrgizdik. Alaida kýágerler bolmady. Izdeý jumystary barysynda sol mańda ornalasqan oiyn-saýyq mekemesinde ornatylǵan beine-baqylaý kamerasy baryn anyqtadyq. Mekeme direktory bizge beinebaqylaý kamerasynyń jazbasyn qaraýǵa ruqsat berdi. Beinetaspany qaraý kezinde bizdiń nazarymyzǵa jábirlenýshiniń qaldyryp ketken qol sómkesin qoinyna tyǵyp ketip bara jatqan shamamen 30 jastaǵy adam ilindi. Biz onyń jeke basyn jáne turǵylyqty mekenjaiyn anyqtadyq. Úiine kirgenimizde ol bizge birden ishinde eki million teńge aqshasy bar qol sómkeni berdi. Biz ony iesine qaitaryp berdik, – deidi Izmurat Músilimov. 
- Shynyn aitqanda, politsiia qyzmetkerleri joǵalǵan aqshamyzdy taýyp beredi dep oilamadyq. Aqshanyń joǵalǵanyna ózim kinálimin. Alaida abyroi bolǵanda politsiia qyzmetkerleri joǵaltyp alǵan aqshamdy bir saǵattyń ishinde taýyp berdi. Taýyp alǵan adam aqshamyzdy jumsap úlgermegen. Ortalyq politsiia bóliminiń qyzmetkerlerine zor alǵysymdy bildiremin, – dedi Veronika Kokysheva. 

Tańerteńgilik selektorlyq keńeste joǵalǵan aqshany izdeý jumysyna jumyldyrylǵan jedel-tergeý toby qyzmetkerleriniń jumysyn Qaraǵandy oblystyq Politsiia departamentiniń bastyǵy Erlan Faizýllin joǵary baǵalap, ózge qyzmetkerlerge úlgi retinde kórsetip, óz quqyǵymen marapattaitynyn jetkizdi.

Oqi otyryńyz