Foto: gov.kz
Qaraǵandy qalasynyń 26 jastaǵy turǵyny Mańǵystaý oblysynan ustaldy. Ol birneshe alaiaqtyq derekteri boiynsha kúdikke ilingen, dep habarlaidy Astana qalasy politsiia departamenti.
Tergeý málimetterine sáikes, kúdikti ózin plastik terezeler men balkon ornatatyn sheber retinde tanystyryp, turǵyndardan tapsyrys qabyldaǵan. Aldyn ala tólem alǵan soń ol bailanysqa shyqpai, mindettemesin oryndamaǵan. Nátijesinde azamattar kútken qyzmetti almai, alaiaq oblys aýmaǵynan qasha jónelgen.
Jedel izdestirý nátijesinde kúdiktiniń ornalasqan jeri Mańǵystaýdaǵy jaldamaly páterden anyqtalyp, ustalyndy. Qylmystyq tergeý barysynda 32 alaiaqtyq deregi tirkelip, barlyǵy bir iske biriktirildi. Keltirilgen jalpy shyǵyn kólemi – 20 mln teńge.
Qazirgi ýaqytta kúdikti qamaýǵa alyndy, sotqa deiingi tergeý amaldary júrgizilýde.
