Foto:gov.kz
Búgin Qaraǵandy oblysy aýmaǵynda josparly oqý-jattyǵý kezinde Sý-30SM joiǵysh ushaǵy apatqa ushyrady, dep habarlaidy Ult.kz.
Qazaqstan Respýblikasynyń Qorǵanys ministrligi málimetinshe, ekipaj músheleri der kezinde katapýlt jasap, aman qalǵan.
«Ushqyshtar din aman. Olardyń ómiri men densaýlyǵyna qaýip joq. Qazir meditsina mamandarynyń baqylaýynda. Ushaq qulaǵan aýmaq qorshaýǵa alyndy. Turǵyndar men infraqurylym nysandaryna qaýip joq», – delingen resmi habarlamada.
Oqiǵanyń sebepteri men mán-jaiyn anyqtaý úshin ministrliktiń arnaiy komissiiasy quryldy. Tergeýdi ushý qaýipsizdigi jónindegi departament basqarady. Komissiia quramyna aviatsiialyq qyzmettiń bilikti mamandary tartylǵan.
Qazirgi ýaqytta apattyń naqty sebebi anyqtalyp jatyr.
