Qaraǵandy oblysynda qoqys tastaityn jerlerdi sanitarlyq tazalaý jáne joiý jumystary jalǵasýda. Óńirde ǵaryshtyq monitoringtiń kómegimen biyl qoqysty ruqsatsyz jinaýdyń 402 ýchaskesi anyqtaldy, dep habarlaidy "Ult aqparat".
Jerdi qashyqtan zondtaý jáne ruqsat etilmegen qoqys tastaityn jerlerdi ǵaryshtyq túsirý 2018 jyldan bastap júrgizilýde.
«Qazaqstan Ǵarysh Sapary» UK» AQ Qaraǵandy oblysy boiynsha derekterine sáikes, óńirde 2021 jyldyń alǵashqy alty aiynda 402 ruqsat etilmegen qoqys úiindisi anyqtalǵan.
Onyń basym bóligi Qaraǵandy, Buqar jyraý, Osakarov jáne Qarqaraly aýdandarynda ornalasqan.
Jergilikti atqarýshy organdar 86 zańsyz qoqys ornyn joidy.
Sondai-aq, biyl Ekologiia ministrliginiń jedel jelisine apatty poligondarǵa qatysty 23 shaǵym tústi.
Onyń 17-si joiyldy, altaýynda áli de jumys jalǵasýda.
«Qaraǵandy oblysynda qoqys tastaityn jerlerdi tazartý ailyǵy ótip jatyr. Ruqsat etilmegen qoqys oryndaryn anyqtaý jáne joiý jumysy aiasynda 13 shilde kúni jolǵa shyqtyq. Qaldyqtardy belgilenbegen jerge tastaý faktileri anyqtalǵan joq. Sapar jergilikti politsiia qyzmeti ókilderiniń qatysýymen ótti. Aldaǵy ýaqytta bul baǵyttaǵy jumys jalǵasady», – dep atap ótti Qaraǵandy oblysynyń ekologiia departamenti.
