Videodan kadr: instagram.com/real.life3390
Qaraǵandyda oiyn alańynda eresek er adamnyń balaǵa kúsh qoldanǵan sáti videoǵa túsip, áleýmettik jelide tarady. Oqiǵaǵa qatysty oblystyq politsiia departamenti pikir bildirdi, dep habarlaidy Ult.kz.
Instagram-daǵy «Realnaia jizn» paraqshasynda jariialanǵan málimetke sáikes, jaǵdai 12 sáýir kúni Trýdovaia kóshesindegi aýlada bolǵan. Bastapqyda balalar arasynda ádettegi túsinispeýshilik týyndaǵan. Alaida olardyń biri ata-anasyna habarlasqannan keiin jaǵdai kúrt shielenisken.
Oqiǵa ornyna kelgen eresek er adam máseleni beibit jolmen sheshýdiń ornyna beitanys balaǵa kúsh qoldanǵan. Kýágerlerdiń aitýynsha, ol balany tunshyqtyryp, julqylaǵan. Sonyń saldarynan bala jerge qulap, tynys alýy qiyndaǵan.
Qaraǵandy oblystyq politsiia departamentiniń habarlaýynsha, atalǵan video áleýmettik jelilerdi monitoringteý barysynda anyqtalǵan. Bul fakti boiynsha politsiiaǵa resmi aryz túspegenimen, oqiǵaǵa qatysýshylardyń barlyǵy jedel túrde anyqtalyp, bólimshege jetkizilgen.
Qazirgi ýaqytta janjaldyń mán-jaiy men sebepterin anyqtaý úshin keshendi tekserý júrgizilip jatyr. Tergeý qorytyndysy boiynsha ár taraptyń áreketine qoldanystaǵy zańnama aiasynda quqyqtyq baǵa berilmek.
Politsiia ókilderi qandai jaǵdai bolmasyn, janjaldardy tek zań aiasynda sheshý qajettigin eskertti.
