Qaraǵandydaǵy sýpermarketterdiń birinde tutynýshylar arasynda janjal shyqty. Oqiǵaǵa politsiia aralasýǵa májbúr bolǵan, - dep habarlaidy Tengrinews.kz.
Áleýmettik jelide Maiqudyq sýpermarketteriniń birinde túsirilgen janjaldyń videosy tarap jatyr. Kadrlarda ondaǵan tutynýshy tóbelesýge shaq qalǵany kórsetilgen. Kýágerlerdiń aitýynsha, janjalǵa qant tapshylyǵy sebep bolǵan. Saýda orny ákimshiligi politsiia shaqyrýǵa májbúr bolǵan.
Oqiǵaǵa qatysty Qaraǵandy oblysy PD baspasóz qyzmeti pikir bildirdi. Vedomstvo málimetinshe, janjal týraly habarlama Qaraǵandy PB Jańa-Maiqudyq politsiia bólimine saǵat 10.00 shamasynda túsken.
"Oqiǵa ornyna politsiia qyzmetkerleri keldi. Ákimshiniń aitýynsha, qantty satý kezinde kezek paida bolǵany anyqtaldy. Keibir satyp alýshylar bul ónimdi belgilengen normadan artyq alýǵa árekettengen. Janjaldyń aldyn alý úshin satýshy politsiia shaqyrǵan", - dedi oblystyq PD baspasóz qyzmeti ókilderi.
Politsiia qyzmetkerleri halyqqa túsindirý jumystaryn júrgizdi. Satyp alýshylardyń eshqaisy aitarlyqtai jaraqat almaǵan. Bul fakt boiynsha politsiiaǵa ótinish túsken joq.
