Qaraǵandy qalasynyń ortalyq saiabaǵynda kómilgen arystan neden ólgeni anyqtaldy, dep habarlaidy "Ult aqparat".
Veterinarlardyń aitýynsha, saiabaqta tabylǵan arystan on ailyq afrikalyq arystannyń kúshigi bolǵan. Ol Qaraǵandynyń bailanys haiýanattar baǵynda mekendegen. Ieleri oǵan Mars dep at qoiǵan. Aýtopsiia arystannyń juqpaly aýrýdan kóz jumǵanyn kórsetti. Onymen qosa, osyǵa deiin onyń iesi veterinarlarǵa júgingeni belgili boldy. Jáne de janýardyń veterinarlyq pasporty, barlyq qajetti anyqtamalar, sonyń ishinde profilaktikalyq sharalar týraly jazbalary bar.
«15 maýsymda janýar aýyryp qalǵan. Emdeý sharalaryn jeke veterinarlyq klinika júrgizdi. Em júrgizilgenine qaramastan, janýar 22 maýsymda ólgen. Arystannyń denesi tabylǵannan keiin Mihailov politsiia bóliminiń jazbasha uiǵarymy boiynsha jeke veterinarlyq klinikada óli deneni patologiialyq-anatomiialyq tilý júrgizildi.
Zertteý nátijeleri boiynsha, tiri kezinde janýar panliýkopeniia siiaqty juqpaly aýrýmen aýyrǵany anyqtaldy. Bul ishektiń, mezenteriianyń jáne ish qýysyndaǵy suiyqtyqtyń kúii. Aýrý men ólimniń arasynda tikelei bailanys bar», - dep habarlady Qaraǵandy oblystyq aýmaqtyq veterinariialyq baqylaý jáne qadaǵalaý inspektsiiasynan.
Málim etilgendei, patalogo-anatomiialyq tekserýden keiin janýardyń denesi mal qorymyna shyǵarylyp, Bekqari shuńqyryna kómildi.
Qazir politsiia arystannyń iesin ony saiabaqta jerleýge itermelegen sebepterdi anyqtap jatyr. Tergeý aiaqtalǵannan keiin sanitarlyq baqylaý jáne qadaǵalaý organyna janýardyń ólgeni týraly habarlamaǵany úshin onyń iesi ákimshilik jaýapkershilikke tartylýy múmkin.
